Kórdrengir hafa náð samkomulagi við Ingvar Þór Kale og Daníel Gylfason um að spila áfram með liðinu á komandi leiktíð.
Báðir voru þeir mikilvægur partur í því að koma liðinu upp um deild í ár. ,,Það er okkur mikil ánægja að þeir hafi framlengt samning sinn við Kórdrengi. Unnið er að því að framlengja einnig við fleiri leikmenn úr okkar frábæra hópi,“ sagði á Facebook síðu Kórdrengja en liðið er komið upp í 2. deild.
Alexander Magnússon yfirgefur hins vegar liðið, hann er í viðræðum við tvö lið nær heimili sínu í Reykjanesbæ.
,,Að því sögðu, þá hefur Alexander Magnússon ákveðið að stíga til hliðar vegna mikilla anna í námi sínu og tímaskorts. Alexander hefur reynst okkur gríðarlega vel tvö síðustu ár og hefur verið einn besti maður liðsins og þökkum við honum fyrir allt hans framlag í þróun klúbbsins.“