,,Ég gerði ráð fyrir að þetta væri búið, að ég væri bara kominn í frí,“ sagði Birkir Már Sævarsson, sem er mættur aftur í íslenska landsliðið. Þessi öflugi bakvörður var ekki í hóp Erik Hamren í september.

Birkir hefur spilað 90 landsleiki en lengi vel átti hann stöðu hægri bakvarðar.

,,Ég er mjög ánægður með að koma aftur, ég var ánægður þegar Erik hringdi fyrir valið.“

Heimir Guðjónsson er nýr þjálfari Birkis í Val og er hann spenntur að vinna með honum.

,,Ég er spenntur fyrir því, hlakka til að byrja. Frábær þjálfari sem hefur sannað sig hérna og í Færeyjum, það sem maður hefur heyrt er að hann sé frábær þjálfari.“

Viðtalið við Birki er í heild hér að neðan.