Leigubílasögurnar eru daglegur liður hér á 433.is. Í þessum lið er farið yfir helsta slúðrið og sögusagnirnar úr fótboltanum, aðallega úr bresku pressunni.
Félagaskiptaglugginn í Evrópu hefur nú opnað á nýjan leik og eru fjölmörg félög að horfa í kringum sig.
Hér má sjá pakka dagsins.
——–
Sevilla hefur hafið viðræður við Chelsea um að fá Alvaro Morata á láni. (Goal.com)
Cesc Fabregas fer ekki strax til Monaco því félögin ná ekki saman um kaupverð. (Standard)
Leikmenn Manchester United vilja að Ole Gunnar Solskjær fái starfið til framtíðar. (Mirror)
Atletico Madrid hafnaði tilboði Manchester United í Diego Godin. (Tutto)
Mauricio Pochettino vill að Tottenham fari að vinna titla. (Times)
Real Madrid hefur hafið viðræður um að kaupa Christian Eriksen frá Tottenham fyrir um 100 milljónir punda. (Independent)
Eriksen vill tvöfalda laun sín en hann er með 70 þúsund pund á viku. (Mail)
Juventus myndi skoða það að selja Paulo Dybala í sumar ef félagið fær 90 milljóna punda tilboð. (Tuttosport)
Manchester City, Bayern og PSG hafa öll fengið tilboð hafnað í Dybala. (Tuttosport)
Fulham, Burnley, Cardiff og Newcastle vilja fá Clinton N´Jile kantmann Marseille. (Mail)
Dortmund og FC Bayern vilja fá Timo Werner framherja RB Leipzig. (Bild)
Unai Emery vill að Arsenal finni fjármuni til a kaupa Denis Suarez miðjumann Barcelona. (Standard)
Arsenal er líklegasta liðið til að fá Yannick Carrasco framherja Belgíu sem spilar með Dalian Yifang í Kína. (Standard)
