fbpx
Þriðjudagur 26.maí 2020
433Sport

Aroni Einari og félögum boðin áfallahjálp: Sumir óttast að fljúga

Hörður Snævar Jónsson
Miðvikudaginn 30. janúar 2019 12:49

Ekki missa af Helstu tíðindum dagsins í pósthólfið þitt

Lesa nánar

Lögreglan í Bretlandi gaf það út á fimmtudaginn að hætt væri að leita að framherjanum Emiliano Sala og flugmanninum Dave Ibbotson.

Sala og Ibbotson voru um borð í flugvél í síðustu viku sem hvarf skyndilega á leið sinni frá Nantes til Cardiff. Eftir 72 klukkutíma leit þá gafst lögreglan upp sem varð til þess að fjölskylda Sala bað almenning um hjálp.

Fjölmargir knattspyrnumenn hafa kallað eftir því að leitinni verði haldið áfram og þar á meðal Lionel Messi, leikmaður Barcelona.

Um helgina tókst að safna 300 þúsund evrum sem eru meira en 30 milljónir króna. Leit fór aftur af stað í fyrradag. Leikmenn eins og Demaray Gray hjá Leicester, Ilkay Gundogan hjá Manchester City og Corentin Tolisso hjá Bayern Munchen hafa styrkt málefnið.

Þessi tíðindi hafa haft mikil áhrif á leikmenn Cardiff, Sala hafði skrifað undir hjá félaginu en átti eftir að mæta á sína fyrstu æfingu. Hann var á leið til Wales þegar vélin hvarf.

,,Við ferðumst mikið með flugvél og þessa stundina eru leikmenn að hugsa um hvort þeir vilji ferðast þannig eða ekki,“ sagði Sol Bamba leikmaður félagsins um málið.

Leikmenn Cardiff eru harmi slegnir en liðið tapaði gegn Arsenal í gær, fyrsti leikurinn eftir að Sala hvarf.

,,Þetta hefur haft mikil áhrif á okkur, þessi harmleikur. Stjórinn (Neil Warnock) hefur verið góður við okkur, hann hefur fengið inn fólk sem við getum talað við, ef menn vilja létta af sér.“

,,Þetta hefur verið mjög erfið vika fyrir leikmennina, félagið og alla borgina. Leitin af Emiliano heldur áfram, ef það er líf, þá er von. Við vonum að það finnist eitthvað gott fyrir fjölskyldu hans.“

,,Ég er vinur Emiliano því við erum með sama umboðsmanninn, ég talaði við hann áður en hann skrifaði undir. Það eru allir sorgmæddir, við söknum hans.“

Enski boltinn á 433 er í boði
Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

433Sport
Fyrir 21 klukkutímum

Hræddur og keypti sér hunda fyrir 9 milljónir

Hræddur og keypti sér hunda fyrir 9 milljónir
433Sport
Fyrir 22 klukkutímum

Enski boltinn skrefi nær því að fara af stað

Enski boltinn skrefi nær því að fara af stað
433Sport
Í gær

Vonast til að geta selt vöru sem enginn hefur viljað

Vonast til að geta selt vöru sem enginn hefur viljað
433Sport
Í gær

Byrjað að framleiða varning til að fagna langþráðum sigri Liverpool

Byrjað að framleiða varning til að fagna langþráðum sigri Liverpool
433Sport
Fyrir 2 dögum

Þegar allt fer úr böndunum – Sígaretta í auga og fatafellur

Þegar allt fer úr böndunum – Sígaretta í auga og fatafellur
433Sport
Fyrir 2 dögum

Sjáðu laglegt mark Guðlaugs í Þýskalandi í dag

Sjáðu laglegt mark Guðlaugs í Þýskalandi í dag