Knattspyrnudeild Víkings hefur samið við Helga Guðjónsson um að leika með félaginu næstu tvö árin.
Helgi er tvítugur í ár og skoraði 19 mörk í 25 leikjum fyrir Fram í deild og bikar. Hann varð markahæstur í Inkasso deildinni ásamt öðrum leikmanni með 15 mörk og var lykilmaður í liði Fram.
Helgi á að baki sjö landsleiki fyrir U16 og U17 ára landslið Íslands.
,,Knattspyrnudeild Víkings hefur haft augastað á Helga frá því síðasta haust og fagnar því að hafa nú gert samning við þennan unga leikmann sem bætist í flóru þeirra efnilegu leikmanna sem fyrir eru hjá félaginu,“ segir í yfirlýsingu Víkinga.