Valur vill losna við Gary Martin. Þetta staðfesti Ólafur Jóhannesson, þjálfari Vals í samtali við 433.is í gær.
Gary gekk í raðir Vals í janúar og gerði þriggja ára samning. Eftir þrjár umferðir í Pepsi Max-deildinni vill Valur nú losna við framherjann.
Tíðindin koma talsvert á óvart því ekki eru nema rúmir fjórir mánuðir síðan að Valur setti allt sitt traust á breska framherjann. ,,Ég er búinn að tilkynna honum að hann megi finna sér nýtt félag, Gary er fínn drengur og búinn að standa sig vel. Hann hentar ekki okkar leikstíl,“ sagði Ólafur í samtali við 433.is í gær.
Seinna í gær kom svo fram að Gary ætlaði sér ekki að fara frá Val, hann ætlar að berjast fyrir sínu sæti. Tíðindin komu framherjanum á óvart en í gærkvöldi stytti hann sér stundir. Ólafur Karl Finsen, liðsfélagi hans til Vals var mættur til Gary að horfa á fræga bíómynd, Wolf of Wall Street. Þar leikur Leonardo Di Caprio, kaupsýslumann sem elskar eiturlyf.
,,I´m not fucking leaving,“ öskrar Di Caprio, en það undirstrikar orð Gary um að hann sé ekki á förum frá Val. ,,Sýningin verður að halda áfram,“ sagði Gary svo í myndbandi Óla Kalla sem má sjá hér að neðan.
@G9bov pic.twitter.com/fBov3VKv5G
— Ólafur Karl Finsen (@olikalli17) May 14, 2019