Heimir Hallgrímsson landsliðsþjálfari staðfesti á blaðamannafundi í Rostov-on-Don í dag að Jóhann Berg Guðmundsson hafi æft með liðinu af fullum krafti í dag. Búast má við því að þessi mikilvægi leikmaður komi aftur inn í byrjunarliðið gegn Króötum á morgun. Hans var sárt saknað í 2-0 tapinu gegn Nígeríu.
„Það eru allir leikmenn klárir fyrir morgundaginn, Jói æfði í dag og lítur vel út. Hann hefur verið að lagast með hverjum deginum, hann tók fullan þátt í æfingu í dag og verður að öllum líkindum leikfær á morgun.“
