Jurgen Klopp stjóri Liverpool skaut lúmsku skoti á Jose Mourinho stjóra Manchester United í gær.

Klopp hefur verið gagnrýndur fyrir það að vinna ekki titla með Liverpool en spilamennskan hefur verið frábær.

Hann segir að eina leiðin fyrir Liverpool að vinna titla sé að hafa yfirburði á vellinum, ekki að leggja rútunni á heimavelli.

,,Við erum hér til að vinna titla og frammistaðan skiptir máli, við höfum ekki unnið neitt síðustu ár,“ sagði Klopp.

,,Ef við myndum reglulega leggja rútunni á heimavelli þá myndi fólk baula á okkur, þannig leiki vill fólkið okkar ekki horfa á.“

,,Við verðum að spila fótbolta þannig að við séum með yfirburði, það er eina leiðin fyrir okkur til að vinna titla.“