Það var hart tekist á þegar Everton heimsótti Burnley í ensku úrvlsdeildinni í dag, um var að ræða fyrsat leik helgarinnar.
Jóhann Berg Guðmundsson var á sínum stað í byrjunarliði Burnley og sömu sögu er að segja af Gylfa Þór Sigurðssyni hjá Everton. Cenk Tosun sem Everton keypti í janúar kom liðinu yfir eftir tuttugu mínútna leik en hann hefur ekki verið að spila vel.
Burnley sótti í sig veðrið í síðari hálfleik og Ashley Barnes jafnaði leikinn fyrir heimamenn.
Það var svo þegar tíu mínútur voru eftir sem Jóhann Berg Guðmundsson teiknaði boltann á pönnuna á Chris Wood eftir hornspyrnu. Framherjinn sem kom inn í hálfleik skallaði hornspyrnu Jóhanns í netið.
Burnley (4-4-1-1): Pope 6.5: Lowton 7, Tarkowski 6.5, Mee 6.5, Ward 6.5; Lennon 7, Cork 6.5, Westwood 6.5, Gudmundsson 7; Hendrick 5 (Wood 45, 7), Barnes 7.5
Everton (4-1-4-1): Pickford 7.5; Coleman 6.5, Keane 5.5, Williams 5 OFF 86, Martina 6; Gueye 6.5; Walcott, Davies 6 (Rooney 59, 6), Calvert-Lewin 6, Gylfi Þór 7 (Bolasie 83); Tosun 7 (Niasse 68, 5.5)
