Alan Pardew, stjóri WBA gerir ráð fyrir því að missa Jonny Evans frá félaginu í sumar.
Varnarmaðurinn var sterklega orðaður við Manchester liðin og Arsenal í janúarglugganum.
Arsenal lagði fram tilboð í leikmanninn á lokadegi janúargluggans sem er talið hafa hljóðað upp á 12 milljónir punda.
WBA hafði engan áhuga á því að selja hann fyrir þessa upphæð en félagið vildi fá 25 milljónir punda fyrir hann.
Pardew viðurkennir að ef Evans skrifar ekki undir nýjan samning við félagið á næstu mánuðum þá er fátt sem getur komið í veg fyrir að hann fari í sumar.
