Joe Gomez, varnarmaður Liverpool var í áhugaverðu viðtali á dögunum þar sem hann ræddi m.a uppgang sinn hjá félaginu.

Gomez hefur verið fastamaður í liðinu á þessari leiktíð og hefur eignað sér hægri bakvarðastöðuna hjá liðinu.

Hann var m.a spurður út í það hver væri fljótasti leikmaður Liverpool en þeir Sadio Mane og Mohamed Salah eru báðir öskufljótir.

„Sadio er ótrúlegur á fyrstu metrunum og hann er með rosalegar hraðabreytingar. Þegar hann stoppar og fer til hliðar er ekki hægt að stoppa hann,“ sagði Gomez.

„Salah getur bara farið af stað og haldið hraðanum lengi sem er frábært ef þú vilt senda hann í gegn, það er enginn að fara ná honum.“

„Þeir eru báðir mjög snöggir, á ólíkan hátt sem er frábært fyrir okkur,“ sagði Gomez að lokum.