Þeir sem elska hnetusmjör vita að það er fátt meira pirrandi en að opna krukku af góðu hnetusmjöri og þurfa fyrst að hræra upp í því til að olían sem myndast á toppinum nái að blandast smjörinu almennilega áður en maður gúffar því í sig.

Lausnin við þessu hvimleiða vandamáli er hins vegar afar einföld. Næst þegar þið kaupið hnetusmjörskrukku munið að geyma hana alltaf á hvolfi. Nú erum við að tala um náttúrulegt hnetusmjör – ekki hnetusmjörið sem er stútfullt af alls kyns efnum sem við kunnum ekki að bera fram.

Það sem gerist þegar að náttúrulegt hnetusmjör er geymt á hvolfi er að olían dreifist um alla krukkuna í staðinn fyrir að koma sér vel fyrir á toppnum. Þannig getur maður einfaldlega opnað krukkuna og notið smjörsins um leið án þess að hamast með skeið fyrst.