Það getur oft vafist fyrir einhverjum að elda steik og eru margir sem treysta sér alls ekki til þess. Þá kemur matreiðslumaðurinn Rob Levitt hjá The Takeout til bjargar. Hann nefnilega lumar á aðferð sem hann kallar 3-3-2-2.
Aðferðin er alveg dásamlega einföld og tryggir „medium rare“ kjöt að lokinni eldun. Við gefum Rob orðið en hér fyrir neðan miðar hann við meðalþykkt á sneiðum, sirka 1 til 2,5 sentímetrar.
1. Setjið á meðalhita á eldavélinni og hitið stóra og góða pönnu. Þegar að pannan er aðeins farin að hitna er smá olíu bætt út í. Setjið steikarsneiðar á pönnuna og ekki hugsa um að snerta þær. Leyfið þeim bara að vera í 3 mínútur.
2. Snúið þeim við og steikið þær í aðrar 3 mínútur. Ekki koma við þær þó það sé erfitt.
3. Snúið sneiðunum við og steikið í 2 mínútur.
4. Snúið sneiðunum og steikið í 2 mínútur til viðbótar
5. Leyfið steikarsneiðunum að hvíla í 5 mínútur og útkoman ætti að vera „medium rare“ steik. Þeir sem vilja hafa steikur aðeins betur eldaðar geta bætt einni mínútu við í hverju skrefi.
