Erlendur ferðamaður lést þegar hann féll fram af klettum í hlíðum Kirkjufells í morgun. Þetta kemur fram í tilkynningu frá lögreglunni á Vesturlandi.
Slysið varð rétt eftir klukkan tíu í morgun en maðurinn sem lést hafði orðið viðskila við félaga sinn. Að sögn lögreglu eru björgunarsveitarmenn að aðstoða við flutning hins látna af fjallinu og lögreglan á Vesturlandi rannsakar tildrög slyssins.