Sú saga gengur nú á samfélagsmiðlum að það hafi staðið til mánuðum saman að Icelandair myndi kaupa WOW air, sönnunargögnin eru af skornum skammti en til eru þeir sem lesa það úr svipbrigðum Björgólfs Jóhannssonar, þáverandi forstjóra Icelandair, þegar hann var spurður um hugsanlega sameiningu í viðtali í Kastljósi í ágúst síðastliðnum.

Notandi á Twitter birti færslu um málið í ágúst og sagði að Björgólfur hefði „roðnað eins og 10 ára strákur“ þegar hann var spurður um mögulegan samruna.

Var að horfa á @kastljosruv núna.

Ég hef aldrei séð neinn jafn vandræðalegan og Björgólf fyrrum forstjóra Icelandair þegar að hann var spurður um mögulega sameiningu IA og WOW.

Hann roðnaði eins og 10 ára strákur sem er spurður út í skotið sitt.

Svaraði svo engu.

Geggjað

— Sigurður O. (@SiggiOrr) August 28, 2018

Nú þegar búið er að tilkynna um kaupin endurbirtir hann tístið og segir: „Engin les svokallað „body-language“ jafn vel og ég.“

Engin les svokallað „body-language“ jafn vel og ég. https://t.co/rZ21w7Ta89

— Sigurður O. (@SiggiOrr) November 5, 2018

Það vekur athygli að Björgólfur sagði að hann efaðist um að Samkeppniseftirlitið myndi heimila slíkt, en eins og staðan er núna á WOW air að verða sjálfstætt dótturfélag Icelandair, niðurstaðan á að liggja fyrir eftir rúmar þrjár vikur.  Þetta sagði Björgólfur þegar hann var spurður um möguleikann á að sameina Icelandair og WOW:

(Björgólfur Hikar) „Sko. (Hikar) Ég náttúrulega bara veit það ekki,“ sagði hann og hló. „Ég hef ekkert, sko, mikla trú á því. Í fyrsta lagi reikna ég ekki með því að það sé heimilt. Ég held að starfsmenn ákveðinnar skrifstofu í Borgartúninu hafi skoðun á því ef að það kæmi til tals. Ég sé það ekki alveg fyrir mér.“

Hér má sjá spurninguna og viðbrögð Björgólfs. Sjá á sjöundu mínútu.