Ragnar Sigurðsson, varnarmaðurinn sterki í íslenska landsliðinu, þurfti að fara meiddur af velli um miðjan síðari hálfleik eftir að hafa orðið fyrir höfuðmeiðslum þegar Nígeríumenn skoruðu fyrra mark sitt í leiknum.
Markaskorari Nígeríu, Ahmed Musa, fór með hnéð í hnakkan á Ragnari þegar hann skoraði mark sitt og fossblæddi úr Ragnari sem fór af velli nokkru síðar. Aðspurður um stöðuna á Ragnari sagði Heimir að honum liði ágætlega og sló hann á létta strengi við blaðamann þegar hann lýsti líðan hans:
„Staðan á Ragga er bara fín. Hann svaf í nótt vel og vaknaði brosandi í morgun og vissi ekki hvað hann hét eða neitt. Við sögðum: „Þú heitir Pele og þú ert að fara skora þrjú mörk í næsta leik.“