Íslenska landsliðið á enn möguleika á að komast í 16-liða úrslit heimsmeistaramótsins í Rússlandi.
Ísland mætti Nígeríu í öðrum leik riðlakeppninnar í dag en það voru þeir grænu sem höfðu betur 2-0.
Nígería er með þrjú stig í öðru sæti riðilsins fyrir lokaumferðina en Króatía sigur á toppnum með sex stig.
Ísland er svo í þriðja sæti riðilsins með eitt stig eftir tvo leiki, jafn mörg stig og Argentína sem er sæti neðar.
Markatala Íslands er þó betri eða -2 gegn markatölunni -3 hjá Argentínu en liðið tapaði 3-0 gegn Króatíu í gær.
Það þarf mikið að gerast svo Ísland komist í útsláttarkeppnina en við þurfum að treysta á að Argentína vinni Nígeríu, þó ekki með of mörgum mörkum.
Ísland þarf á sama tíma að vinna Króatíu en það er hægara sagt en gert miðað við spilamennsku þeirra á mótinu.
Markatalan gæti skipt öllu máli en ef Argentína vinnur til að mynda Nígeríu 3-0 og við vinnum Króatíu 1-0 þá fara Argentínumenn áfram á betri markatölu.
Ísland þarf að treysta á sigur gegn Króatíu og vona að Argentína vinni Nígeríu en með færri mörkum en Ísland skorar gegn Króötum.
Ef markatalan er jöfn er farið eftir hvað liðin skoruðu mörg mörk í riðlakeppninni en ef sú tala er jöfn er farið eftir innbyrðis viðureignum. Ef allt er jafnt þá mun FIFA draga um hvaða lið fer áfram.
