Ahmed Musa, leikmaður Nígeríu, reyndist Íslandi erfiður í dag er liðin áttust við á HM í Rússlandi.
Musa skoraði tvö mörk fyrir Nígeríu í 2-0 sigri en hann var að skora á sínu öðru heimsmeistaramóti.
,,Ég er mjög glaður að hafa skorað. Það er aldrei auðvelt en ég verð að þakka félögum mínum og þjálfara. Ég þakka fyrir stuðninginn. Við erum mjög ánægðir með sigurinn en þurfum núna að fara hugsa um næsta leik,“ sagði Musa á blaðamannafundi eftir leik.
,,Það var annað lið í seinni hálfleik. Við gerðum okkur grein fyrir því að við þyrftum að gera meira. Við lékum gegn góðu liði frá Íslandi og þeir voru betri í fyrri hálfleik en skoruðu ekki.“
,, Mig langar að þakka íslenska liðinu fyrir sanngjarna baráttu. Það var tekist fast á og ég kann mjög vel að meta íslenska liðið og hvernig viðhorf þeirra er.“
