fbpx
Þriðjudagur 05.desember 2023
Pressan

Hún sýnir sig sjaldan opinberlega – „Hún er hættulegasta kona heims“

Pressan
Þriðjudaginn 26. september 2023 08:00

Kim Yo-jong og Kim Jong-un. Mynd: EPA-EFE/KCNA

Ekki missa af Helstu tíðindum dagsins í pósthólfið þitt

Lesa nánar

Það er ekki oft sem hún sýnir sig opinberlega en nýlega birtist hún fyrir framan myndavélar fjölmiðla þegar hún fylgdi bróður sínum, Kim Jong-un einræðisherra í Norður-Kóreu, í ferð hans til Rússlands.

Á myndum virðist hún oft vera blíð og hlédræg en að sögn Sung-Yoon Lee, rithöfundar, þá blekkja myndirnar og segist hann ekki í nokkrum vafa um hvaða konu hún hefur að geyma.

Í samtali við CNN og Fox News sagði hann að hún sé blítt andlit grimmdarlegrar einræðisstjórnar Norður-Kóreu út á við en þar ráði grimmd og karlremba. „En það þarf að taka hana mjög alvarlega. Núna er hún hættulegasta kona kona heims. Og kannski hættulegasta kona sem nokkru sinni hefur verið uppi,“ sagði hann.

Þessi lýsing er einnig undirtitill á nýrri bók hans um Kim Yo-jong, sem heitir „The Sister“. Þar fjallar hann um hana og störf hennar. Hún hefur frekar hógværan titil sem stjórnandi norðurkóresku áróðursmaskínunnar en í raun er hún talin vera næstvaldamesta manneskja landsins.

„Hún er mjög valdamikil kona . . . með metnað,“ segir Sung-Yoon Lee.

Í nýlegri heimsókn systkinanna til Rússlands sást Kim Yo-jong meðal annars beygja sig yfir bróður sinn þegar hann var að skrifa í gestabók.

Samband þeirra er náið og af þeim sökum hefur hún nánast ótakmörkuð völd.

„Fræðilega séð getur hún ákveðið hverjum á að fylgjast með, lækka í tign, hækka í tign, refsa, verðlauna, vísa úr landi eða jafnvel binda og taka af lífi á torgi úti eða á lokuðum leikvangi,“ segir í „The Sister“.

Hún hefur einnig aðgang að öllu hernaðarbatteríi landsins og getur því fyrirskipað notkun kjarnorkuvopna en ráðamenn í landinu hafa oft í hótunum um að beita þeim og þar dregur Kim Yo-jong ekki af sér í orðaskakinu.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Pressan
Fyrir 2 dögum

14 ára stúlka hvarf sporlaust um miðja nótt – 9 mánuðum síðar kom símtalið sem breytti öllu

14 ára stúlka hvarf sporlaust um miðja nótt – 9 mánuðum síðar kom símtalið sem breytti öllu
Pressan
Fyrir 2 dögum

Færð þú höfuðverk af einu rauðvínsglasi? – Nú er skýringin hugsanlega fundin

Færð þú höfuðverk af einu rauðvínsglasi? – Nú er skýringin hugsanlega fundin
Pressan
Fyrir 3 dögum

Hrottaleg refsing yfir tveimur meðlimum glæpagengis

Hrottaleg refsing yfir tveimur meðlimum glæpagengis
Pressan
Fyrir 3 dögum

Flugfreyja segir að fólk eigi alltaf að kasta vatnsflösku undir hótelrúm

Flugfreyja segir að fólk eigi alltaf að kasta vatnsflösku undir hótelrúm