Í umfjöllun LadBible um málið kemur fram að Stevo hafi fyrst kynnst Cate. Hún hafi fljótlega kynnt hann fyrir systrum sínum, Eve og Mary. Þær eru þríburar.
Stevo fór ekki leynt með það við systurnar að hann er fjölkvænismaður, það er að hann telur sig ekki geta lifað með aðeins einum maka.
Systrunum leist vel á þetta og þess vegna eru þau fjögur nú eitt stórt „par“. Þau gengu síðan öll í hjónaband, eða kannski hjónabönd, nýlega en samkvæmt því sem kemur fram í LadBible hefur fjölkvæni verið löglegt í Keníu síðan 2014.
Systurnar eru að byggja upp feril í gospelsöng. Fjölkvæni stríðir gegn trú þeirra þar sem það er ekki viðurkennt í kristinni trú. En þær láta það ekki aftra sér.
„Ég er trúr og örlátur maður og allt hjá mér er stórt, meira að segja blessunin, þess vegna er ég kallaður „Stóri Stevo“. Ég trúi því að ást mín sé ekki ætluð einni konu og að ég hafi fæðst sem fjölkvænismaður,“ sagði Stevo.
„Ég er alltaf heiðarlegur og trúr og mínar fyrrverandi yfirgáfu mig því ég sagði þeim að ég vildi bæta einni við. Ég vil ekki halda framhjá. Ég vil bæta við og fyrir tilviljun varð gæfan á vegi mínum þegar ég þurfti á henni að halda,“ sagði hann um samband sitt við systurnar þrjár.
Hann sagði að þau vinni í sambandi sínu næstum daglega og notist meðal annars við fastar tímaáætlanir til að láta þetta allt ganga upp. „Við tökum einn dag í einu. Við lærum af hvert öðru,“ sagði hann.
Systur sögðu við sama tækifæri að þær þrjár séu nóg fyrir hann og að þær muni ekki leyfa honum að bæta fjórðu konunni við.
„Á hverjum mánudegi Mary, á þriðjudögum Cate og Eve á miðvikudögum. Um helgar hittumst við síðan öll,“ sagði hann og bætti við að það sé ekkert vandamál fyrir hann að fullnægja þeim öllum þremur ef hann fylgir bara stundaskrá þeirra.