fbpx
Laugardagur 24.febrúar 2024
Pressan

Lögreglumaður var á leiðinni að ná í fanga en var sjálfur handtekinn

Pressan
Fimmtudaginn 7. desember 2023 13:30

Mynd Wikimedia: Myndin tengist fréttinni ekki beint

Ekki missa af Helstu tíðindum dagsins í pósthólfið þitt

Lesa nánar

Bandarískur lögreglumaður sem var farþegi í flugvél á leið frá New York til Bretlands var handtekinn af breskum yfirvöldum, eftir að vélin lenti í London, grunaður um að hafa framið kynferðisbrot á meðan fluginu stóð. Lögreglumaðurinn starfar hjá alríkisstofnun sem heitir United States Marshals Service en eitt helsta hlutverk hennar er að finna og handsama fólk á flótta undan réttvísinni. Lögreglumaðurinn var á leið til Bretlands að ná í mann sem framselja átti þaðan til Bandaríkjanna.

Hann var farþegi í flugvélinni ásamt öðrum lögreglumanni sem starfar hjá sömu stofnun. Þegar nokkuð var liðið á flugið gaf kona sig á tal við áhöfn vélarinnar og sagði að hún hefði verið snert á óviðeigandi hátt.

Flugvélin var á vegum flugfélagsins Delta. Talsmaður flugfélagsins staðfesti að upp hafi komið atvik, vegna óstýrilátrar hegðunar farþega, í fluginu sem hafi orðið til þess að breskir lögreglumenn komu um borð þegar flugvélin lenti á Heathrow flugvelli og að flugfélagið sýndi fulla samvinnu við rannsókn málsins.

Lögreglumennirnir tveir eru sagðir hafa drukkið áfengi á meðan fluginu stóð. Sá sem var handtekinn er enn í haldi lögreglu í Bretlandi en hinum var ekki haldið og hann hefur þegar snúið til baka til Bandaríkjanna.

Maðurinn sem þeir áttu að sækja er grunaður um fjársvik.

Talsmaður stofnunarinnar sem lögreglumaðurinn starfar hjá segir að stofnunin sé meðvituð um óviðeigandi hegðun hans og að hann hafi þar að auki verið ölvaður. Stofnunin sé í samskiptum við bresk lögregluyfirvöld vegna málsins. Hann segir stofnunina taka allar ásakanir um misferli af hálfu starfsmanna sinna alvarlega. Hegðun lögreglumannana tveggja gangi gegn grunngildum stofnunarinnar og sé ekki dæmi um á hvaða stigi fagmennska starfsmanna hennar sé.

NBC News greindi frá.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Pressan
Í gær

Hann sagði að eiginkonan hefði farið að heiman með öðrum manni – Núna er ný staða komin upp í málinu

Hann sagði að eiginkonan hefði farið að heiman með öðrum manni – Núna er ný staða komin upp í málinu
Pressan
Í gær

Skyndilega hóstaði hún – „Ég hef aldrei séð neitt þessu líkt“

Skyndilega hóstaði hún – „Ég hef aldrei séð neitt þessu líkt“
Pressan
Fyrir 3 dögum

Rebecca hvarf fyrir fimm árum – Þessi ljósmynd hefur vakið grunsemdir lögreglunnar

Rebecca hvarf fyrir fimm árum – Þessi ljósmynd hefur vakið grunsemdir lögreglunnar
Pressan
Fyrir 3 dögum

Svaf við hlið rotnandi líks bróður síns árum saman í „Hryllingshúsinu“

Svaf við hlið rotnandi líks bróður síns árum saman í „Hryllingshúsinu“
Pressan
Fyrir 4 dögum

Einn handtekinn vegna morðs á Grænlandi

Einn handtekinn vegna morðs á Grænlandi
Pressan
Fyrir 5 dögum

Fundu 10.000 hluta úr fólki á landareign hans – Lögreglan er enn að bera kennsl á fórnarlömbin

Fundu 10.000 hluta úr fólki á landareign hans – Lögreglan er enn að bera kennsl á fórnarlömbin