TV2 skýrir frá þessu og hefur eftir Tjark Andersen, sem varði nýlega doktorsritgerð sína við Árósaháskóla, að í rannsókninni hafi verið sýnt fram á að þegar þátttakendum var sýnd sama myndin af mat 30 sinnum hafi þeim fundist þeir saddari en áður en þeir sáu myndina.
Það hljómar eflaust undarlega að þátttakendunum hafi fundist þeir saddir án þess að borða nokkuð. Andersen sagði að skýringin á þessu sé mjög eðlileg. Það hvernig við hugsum um mat skipti miklu máli varðandi matarlystina.
„Matarlyst þín tengist huganum meira en flestir halda. Ef maður hugsar um mat, fær maður líkamleg viðbrögð við hugsun. Þess vegna getur manni fundist maður saddur án þess að borða nokkuð,“ sagði hann.
Andersen og samstarfsfólk hans voru ekki fyrst til að uppgötva að myndir geti veitt mettunartilfinningu, Aðrir vísindamenn hafa einnig komist að sömu niðurstöðu í rannsóknum sínum.
1.000 manns tóku þátt í rannsókninni.
