Ótrúlegur fornleifafundur átti sér stað á dögunum þegar enskur fjársjóðsleitandi fann hálsmenn úr gulli sem merkt er upphafsstöfunum H og K. Þá prýðir einnig Tudor-rósin, merki samnefndar ættar, hinn forláta skarpgrip. Telja fræðimenn að hálsmenið hafi mögulega verið í eigu Hinrik áttunda, sem tilheyrði einmitt Tudor-ættinni, eða eiginkonu hans Katrínu af Aragon og að um sé að ræða einn merkasta fornleifafund síðari ára.

Það var enski kráareigandinn Charlie Clarke, sem rambaði á hálsmenið sem er úr 24 karata gulli og hangir á veglegri gullkeðju. Clarke er áhugafjársjóðsleitandi og eyðir frístundum sínum að rölta um sveitir Englands með málmleitartæki.

Hálsmenið fannst á akri nokkrum við Warwickskíri í desember 2021 en eftir rannsóknir sérfræðingar var gripurinn loks sýndur almenningi á dögunum ásamt fjölmörgum öðrum munum sem almenningur í Bretlandi hefur fundið.

„Fram að þessu hafði ég bara fundið einhverjar myntir, ekkert merkilegt“ er haft eftir Clarke í samtali við Daily Mail. Hann segist hafa skrækt eins og barn þegar hann fann hálsmenið enda vissi hann strax að það var úr gulli.

Sérfræðingar töldu fyrst að fundurinn væri svo ótrúlegur að hálsmenið hlyti að vera falsað en eftir ítarlegar rannsóknir komust þeir að því svo væri ekki. Clarke hafði einfaldlega rambað á ótrúlegan dýrgrip.

Erfitt er að meta verðmæti mensins en þegar að það verður selt til einhvers safns mun Clarke skipta ágóðanum með landeigandanum í Warwickskíri.