Í nýrri rannsókn, sem var birt nýlega í vísindaritinu Nature Aging, kemur fram að vísindamenn hafi hugsanlega fundið sérstaka fitusameind, eða lípíð, sem gegnir stóru hlutverki í öldrunarferlinu. Lípíðið reyndist vera í meira magni í vöðvum eldra fólks en yngra.
En magnið minnkaði þegar fólkið stundaði líkamsrækt um skamma hríð.
Vísindamennirnir rannsökuðu einnig hvað áhrif hreyfing hafði á uppsöfnun efnisins í músum.
Í öldrunarrannsóknum vantar nákvæmar rannsóknir um fitusameindir „og því var frábært að sjá þessa rannsókn gera svo nákvæma greiningu á breytingum í mörgum mismunandi vefjum í músum og fólki,“ sagði Dr. Alexandra Stolzing, prófessor við Loughborough University, í samtali við Live Science.
Almennt séð vita vísindamenn hvernig einföld fita, til dæmis kólesteról, kemur við sögu í öldrunarferlinu og sjúkdómum á borð við kransæðasjúkdómum. En Dr. Georger Janssen, prófessor við Amsterdam UMC og aðalhöfundur rannsóknarinnar, sagði að lítið sé vitað um hversu mikið „flóknir“ lípíðar koma við sögu í þessu ferli.