Mikil aukning hefur orðið á ófrjósemisaðgerðum á ungu fólki í Bandaríkjunum í kjölfar dóms hæstaréttar landsins 2022 í hinu svokallaða Roe v. Wade máli en það snýst um réttin til þungunarrofs. Með dómi sínum 2022 sneri hæstiréttur við fyrri ákvörðun réttarins og veitti einstökum ríkjum landsins heimild til að setja sínar eigin reglur um réttinn til þungunarrofs með því að afnema stjórnarskrárvarinn rétt kvenna til þungunarrofs. Mörg ríki þrengdu mjög réttinn í kjölfar dómsins.

Í nýrri rannsókn var athyglinni beint að áhrifum dómsins á ófrjósemisaðgerðir fólks á aldrinum 18 til 30 ára.  Rannsóknin hefur verið birt í vísindaritinu JAMA Health Forum.

Nú hefur þungunarrof verið bannað í 14 ríkjum og 11 til viðbótar hafa þrengt réttinn til þungunarrofs mjög.

Frá því að hæstiréttur kvað upp dóm sinn 2022 hafa fleiri konur farið í ófrjósemisaðgerð en áður en dómurinn var kveðinn upp. Nemur aukningin 58 konum á hverjar 100.000. Hjá körlunum fara 27 fleiri í ófrjósemisaðgerð af hverjum 100.000 körlum.

Segja vísindamenn að niðurstaðan sýni að ungt fólk sé líklegra til að leita varanlegra lausna á getnaðarvörnum í kjölfar dómsins.