fbpx
Sunnudagur 02.október 2022
Pressan

Ný gögn í máli Johnny Depp og Amber Heard – Ekki Depp í hag

Kristján Kristjánsson
Fimmtudaginn 11. ágúst 2022 06:04

Johnny Depp og Amber Heard.

Ekki missa af Helstu tíðindum dagsins í pósthólfið þitt

Lesa nánar

Það er langt frá því að búið sé að setja punktinn aftan við mál Johnny Depp og Amber Heard. Eins og kunnugt er hafði Depp betur í málarekstri gegn Heard fyrr í sumar og var hún dæmd til að greiða honum háar bætur. Nú hafa 6.600 skjöl, sem voru innsigluð, varðandi málið verið gerð opinber. Þau innihalda nýjar upplýsingar um málið og er óhætt að segja að þær séu ekki Depp í hag.

Eftir að dómur hafði fallið í sex vikna löngum réttarhöldunum vildi margt af stuðningsfólki Depp fá betri innsýn í málið og hóf því fjársöfnun til að fá fyrrgreind skjöl gerð opinber. Það tókst fljótlega eftir að mörg þúsund dollurum hafði verið safnað.

Skjölin voru gerð opinber fyrir um mánuði síðan en vöktu litla athygli þar til um síðustu helgi þegar tímaritið Rolling Stone birti grein þar sem farið var yfir innihald skjalanna. Meðal þeirra eru skjöl sem báðir málsaðilar vildu leggja fram við réttarhöldin en fengu ekki.

Rolling Stone segir að skjölin sýni meðal annars að lögmenn Depp hafi reynt að fá dómara til að samþykkja að nektarmyndir af Heard skyldu lagðar fram fyrir dómi og að þeir vildu nota fortíð hennar sem nektardansmey gegn henni.

Johnny Depp í dómsal.

 

 

 

 

 

 

Sms-samskipti á milli Depp og vinar hans, Marilyn Manson, frá 2016 eru nefnd til sögunnar. Þar skafa félagarnir ekki utan af hlutunum þegar þeir ræða um maka sína. Manson kallar þáverandi unnustu sína, Lindsay Usich „Amber 2.0“ og þá svarar Depp „þú átt ekki að sætta þig við þetta“ og „geðveikisleg framkoma er algjörlega ekta, félagi!“

Usich sótti síðar um nálgunarbann á Manson sem hún segir að hafa beitt hana ofbeldi. Hún er ekki eina konan sem hefur sakað hann um slíkt.

Lögmönnum Depp tókst að halda smáskilaboðunum og nær öllu varðandi vinskap hans við Manson utan réttarhaldanna með þeim rökum að Depp ætti ekki að gjalda fyrir slæmt orðspor Manson.

Amber Heard var miður sín þegar hún bar vitni fyrir dómi.

 

 

 

 

 

 

Önnur skilaboð hafa líka vakið athygli. Til dæmis á milli Stephen Deuters, aðstoðarmanns Depp, og Heard. Í þeim „viðurkennir“ Deuters að Depp hafi sparkað í Heard og slegið hana fyrir framan starfsfólk sitt í einkaflugvél 2014.

Lögmenn, sem fylgdust náið með málinu, sögðu við Rolling Stone að þessar upplýsingar hefðu getað haft afgerandi áhrif á niðurstöðu málsins.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Pressan
Fyrir 2 dögum

Strætómiðinn varð sprengjumanninum að falli

Strætómiðinn varð sprengjumanninum að falli
Pressan
Fyrir 2 dögum

„Ísdrottningin“ – „Grimm drottning“ – Danir hugsi yfir ákvörðun Margrétar drottningar

„Ísdrottningin“ – „Grimm drottning“ – Danir hugsi yfir ákvörðun Margrétar drottningar
Pressan
Fyrir 3 dögum

Ian veldur algjöru rafmagnsleysi á Kúbu og stefnir nú á Flórída

Ian veldur algjöru rafmagnsleysi á Kúbu og stefnir nú á Flórída
Pressan
Fyrir 3 dögum

Þrjár særðust í sprengingu í Halle í Þýskalandi

Þrjár særðust í sprengingu í Halle í Þýskalandi
Pressan
Fyrir 5 dögum

Mótmælin halda áfram í Íran þrátt fyrir aðvaranir stjórnvalda

Mótmælin halda áfram í Íran þrátt fyrir aðvaranir stjórnvalda
Pressan
Fyrir 5 dögum

Þessi atriði eru sögð benda til að foreldrar Madeleine McCann hafi staðið á bak við hvarf hennar

Þessi atriði eru sögð benda til að foreldrar Madeleine McCann hafi staðið á bak við hvarf hennar
Pressan
Fyrir 6 dögum

Blettatígrar snúa aftur til Indlands eftir 70 ára fjarveru

Blettatígrar snúa aftur til Indlands eftir 70 ára fjarveru
Pressan
Fyrir 6 dögum

Nýtt bóluefni gegn malaríu vekur góðar vonir

Nýtt bóluefni gegn malaríu vekur góðar vonir