Karlmaður var á dögunum handtekinn af alríkislögreglunni í Bandaríkjunum (FBI) eftir að hafa sent typpamyndir á hóp farþega í miðju flugi. Karlmaðurinn sem um ræðir var sjálfur farþegi í fluginu en hann sendi typpamyndirnar með AirDrop tækninni sem tæki frá Apple notast við.
Málið vakti töluverða athygli eftir að kona í fluginu birti myndbönd af manninum sem um ræðir á samfélagsmiðlinum TikTok. Fyrsta myndbandið hefur fengið rúmlega 7 milljón áhorf á miðlinum en í því sýnir konan hvernig hún lét flugfreyju vita af því að maðurinn sendi myndirnar á sig. Í myndbandinu kemur fram að karlmaðurinn heitir Larry en hann gengst við því að hafa sent ósæmilegu myndirnar þegar flugfreyjan spyr út í þær.
„Af hverju ertu að gera þetta?“ spurði flugfreyjan og þá svaraði Larry einfaldlega: „Ég er bara að hafa smá gaman.“
@daddystrange333Lawrence Martin from Texas, grossssssss. I saw his ipad had airdrop open so I knew it was him, and yes, i sure did make a scene
Í næsta myndbandi sem konan birti um málið segist hún hafa hitt fulltrúa frá alríkislögreglunni sem sagði henni að Larry hafði verið handtekinn og að hann muni dúsa í flugvallarfangelsi yfir helgi. Þá sagði hún að Larry hafi verið að horfa á myndir í iPad-spjaldtölvunni sinni á það sem virtist vera kona að veita munnmök.
Atvikið átti sér stað í flugi á vegum Southwest flugfélagsins en talsmaður félagsins staðfesti sögu konunnar í samtali við New York Post. „Við getum staðfest að þetta óheppilega atvik átti sér stað í nýlegu flugi hjá okkur frá Detroit til Denver,“ sagði talsmaðurinn.