Daily Mail skýrir frá þessu. Fram kemur að Miller hafi neytt LSD 11 dögum áður en hann myrti Wardle. Vitni sögðu fyrir dómi að eftir að hann neytti eiturlyfsins hafi hann orðið þrætugjarnari, haldið því fram að hann væri orðinn gáfaðri og að hann hefði misst „egóið“ sitt.
Kviðdómur féllst á málflutning saksóknara sem héldu því að andlegt ástand Miller hefði verið tilkomið vegna mikillar eiturlyfjaneyslu og vegna þess að hann tók stóran skammt af LSD 11 dögum áður en hann myrti Wardle.
Verjandi hans hélt því fram að hann hefði verið andlega veikur þegar hann framdi morðið og að hann hefði ekki ætlað að myrða Wardle heldur „aðra ómennska veru“.
Daily Telegraph segir að það hafi tekið kviðdóminn fimm daga að komast að niðurstöðu og að viðstöddum í dómsal hafi brugðið nokkuð þegar niðurstaðan var kunngerð. Kviðdómurinn hafnaði rökum verjanda Miller og komst að þeirri niðurstöðu að sú andlega vanlíðan hans, sem varð til þess að hann myrti Wardle, hafi eingöngu verið afleiðing eiturlyfjaneyslu hans.
Refsing hans verður ákveðin síðar.