Lögreglan hafði lítið að byggja á í málinu í upphafi og vissi ekki af hverju Moriah var skotin en nú hefur henni tekist að leysa það að sögn Fox7. Óhætt er að segja að mjög óvæntar vendingar hafi orðið í málinu sem gerðu lögreglunni kleift að leysa það.
Það var Colin Strickland sem kom lögreglunni á slóð morðingjans sem er unnusta hans. Hann sagði lögreglunni að hann hafi farið út að synda og borða með Moriah daginn sem hún var myrt. Að því loknu ók hann henni heim.
Hann skýrði einnig frá því að unnusta hans hafi verið mjög afbrýðisöm út í Moriah. Ástæðan er að Colin og Moriah voru par í skamman tíma þegar Colin og unnusta hans, sú sem myrti Moriah, gerðu hlé á sambandi sínu eitt sinn en þau hafa verið par í þrjú ár.
Þrátt fyrir að Colin og unnusta hans hafi tekið saman á nýjan leik hélt hann sambandi við Moriah. Hann sagði lögreglunni að hann hefði breytt nafni hennar í símaskránni í símanum sínum og eytt skilaboðum frá henni svo unnusta hans kæmist ekki að því að þau væru enn í sambandi.
En hún komst að þessu og þá fóru málin að þróast mjög til verri vegar.
Fox7 segir að lögreglan hafi fengið þær upplýsingar að unnustan hafi orðið öskureið þegar hún komst að sambandinu og hafi viljað drepa Moriah. Hún hafi því keypt sér 9 mm skammbyssu en Moriah var skotin til bana með slíkri byssu.
Bíll unnustunnar sást nærri heimili Moriah á svipuðum tíma og hún var myrt.
Unnustan hefur ekki náðst en lögreglan leitar hennar nú.