fbpx
Föstudagur 15.október 2021
Pressan

Ríkisstjórn glæpamanna – Tveir eftirlýstir fyrir sprengjutilræði og einn vill ræna hermönnum

Kristján Kristjánsson
Föstudaginn 24. september 2021 06:59

Frá íranska þinginu. Mynd:Getty

Ekki missa af Helstu tíðindum dagsins í pósthólfið þitt

Lesa nánar

Það má kannski segja að nýja ríkisstjórnin í Íran sé ríkisstjórn glæpamanna eða hryðjuverkamanna. Tveir ráðherrar eru eftirlýstir fyrir sprengjutilræði gegn gyðingum og einn vill ræna vestrænum hermönnum. Ríkisstjórnin samanstendur af öfgasinnuðum harðlínumönnum og ekki er að sjá að hún vilji eiga í miklum samskiptum við umheiminn.

Nú eru um sex vikur síðan Ebrahim Raisis, var settur í embætti forseta, en hann er sextugur harðlínumaður. Ríkisstjórn hans er nú að taka á sig mynd og hefur val hans á ráðherrum vakið mikla athygli og þykir senda umheiminum skilaboð um að hann og stjórn hans vilji ekki eiga í miklum samskiptum við umheiminn.

Ein kona er í ríkisstjórninni og engin skortur er á ráðherrum sem eru á refsiaðgerðalistum Vesturlanda. Raisi er sjálfur á slíkum listum vegna aðildar hans að fjöldaaftökum á pólitískum andstæðingum klerkastjórnarinnar á níunda áratugnum.

Ahmad Vahidi, innanríkisráðherra, og Mohsen Rezaei, vararáðherra efnahagsmála, eru eftirlýstir af Interpol fyrir aðild að sprengjutilræði við miðstöð gyðinga í Buenos Aires í Argentínu 1994. Þar létust 85 og rúmlega 300 særðust.

Rezaei, sem er fyrrum yfirmaður Byltingarvarðarins sem er öflugasti her landsins, komst í fréttirnar fyrr á árinu þegar hann lagði til að Íranar myndu ræna vestrænum hermönnum og krefjast lausnargjalds fyrir þá til að bæta stöðu galtóms ríkissjóðs.

Hossein Amirabdollahian, utanríkisráðherra, er að sögn Economist tengdur Hizbollah hryðjuverkasamtökunum í Líbanon.

Eina konan í ríkisstjórninni er Ensiyeh Khazali, sem er fyrrum rektor eina opinbera háskólans fyrir konur. Hún verður ráðherra málefna kvenna og fjölskyldna. Ekki er hægt að segja íranskar konur hafi hoppað hæð sína í loft upp yfir þessum tíðindum, þær óttast að þetta verði ekki til að bæta stöðu þeirra, þvert á móti. Khazali virðist vera jafn íhaldssöm og aðrir ráðherrar og hefur meðal annars lýst yfir stuðningi við að stúlkur séu gefnar í hjónaband þegar þær eru á barnsaldri.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Pressan
Í gær

Einn skotinn í Helsingborg og sprenging í miðborginni

Einn skotinn í Helsingborg og sprenging í miðborginni
Pressan
Í gær

Hryllingsmínúturnar 34 í Kongsberg – Sá grunaði sagður hafa snúist til Íslamstrúar

Hryllingsmínúturnar 34 í Kongsberg – Sá grunaði sagður hafa snúist til Íslamstrúar
Pressan
Í gær

Frakkar krefja Breta um greiðslu fyrir að stöðva ferðir förufólks yfir Ermarsund

Frakkar krefja Breta um greiðslu fyrir að stöðva ferðir förufólks yfir Ermarsund
Pressan
Fyrir 2 dögum

Danskir vísindamenn gera tilraunir með nýja meðferð við COVID-19

Danskir vísindamenn gera tilraunir með nýja meðferð við COVID-19
Pressan
Fyrir 2 dögum

Nancy Pelosi dregin úr kaþólskri messu í Róm af öryggisvörðum vegna bóluefnamótmæla

Nancy Pelosi dregin úr kaþólskri messu í Róm af öryggisvörðum vegna bóluefnamótmæla
Pressan
Fyrir 2 dögum

Rúmenska heilbrigðiskerfið ræður ekki við álagið vegna fjórðu bylgju kórónuveirunnar

Rúmenska heilbrigðiskerfið ræður ekki við álagið vegna fjórðu bylgju kórónuveirunnar
Pressan
Fyrir 3 dögum

Segja að Rússar hafi stolið uppskriftinni að bóluefni AstraZeneca gegn kórónuveirunni

Segja að Rússar hafi stolið uppskriftinni að bóluefni AstraZeneca gegn kórónuveirunni
Pressan
Fyrir 3 dögum

Leita að þeim sem drápu 14 friðaðar kengúrur

Leita að þeim sem drápu 14 friðaðar kengúrur