fbpx
Föstudagur 24.september 2021
Pressan

Útgöngubann í kínverskum bæjum og borgum vegna kórónuveirunnar

Kristján Kristjánsson
Miðvikudaginn 4. ágúst 2021 06:26

Kórónuveiran kom fyrst fram í Wuhan í Kína. Mynd:Getty

Ekki missa af Helstu tíðindum dagsins í pósthólfið þitt

Lesa nánar

Milljónir Kínverja búa nú við útgöngubann á meðan yfirvöld reyna að halda aftur af útbreiðslu kórónuveirunnar skæðu sem herjar á heimsbyggðina. Það er Deltaafbrigði hennar sem gerir Kínverjum lífið leitt þessa dagana. Stefna kínverskra stjórnvalda hefur verið að halda smitum í núlli en sú stefna er nú undir miklum þrýstingi vegna Deltaafbrigðisins.

The Guardian skýrir frá þessu. Á mánudaginn voru 55 ný tilfelli skráð í yfirstandandi faraldri sem hefur nú náð til rúmlega 20 bæja og borga.

Í mörgum stórum borgum ætla yfirvöld nú að taka sýni úr milljónum íbúa, þar á meðal í Peking. Á meðan eru bæir og borgir í sóttkví og það sama á við um þá sem hafa verið í samskiptum við smitaða.

Allar ferðir járnbrautalesta, strætisvagna og flugvéla til svæða þar sem smit hafa komið upp hafa verið stöðvaðar. Einnig hefur verið lokað algjörlega á ferðir ferðamanna til og frá þessum svæðum.

Í Zhuzhou í Hunan-héraði þurfa allir íbúarnir, sem eru 1,2 milljónir, að halda sig heima við þar til á fimmtudag.

Kínversk yfirvöld hafa lengi stært sig af góðum árangri í baráttunni við veiruna sem kom fyrst fram á sjónarsviðið í Wuhan í lok árs 2019. En yfirstandandi faraldur ógnar þessum árangri. Hann hófst með níu ræstitæknum sem greindust með smit eftir að hafa unnið á alþjóðaflugvellinum í Nanjing.

Á síðustu tveimur vikum hafa um 430 smit greinst í landinu en þar búa 1,4 milljarðar svo hlutfallið er ekki hátt.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Pressan
Í gær

Loksins hefur Boris Johnson staðfest hvað hann á mörg börn – „Ég skipti um margar bleiur“

Loksins hefur Boris Johnson staðfest hvað hann á mörg börn – „Ég skipti um margar bleiur“
Pressan
Í gær

Staðfest að líkið er af Gabby Petito og að hún var myrt

Staðfest að líkið er af Gabby Petito og að hún var myrt
Pressan
Fyrir 2 dögum

Dularfull smáskilaboð vekja athygli í máli Gabby Petito – Húsleit gerð hjá fjölskyldu unnusta hennar

Dularfull smáskilaboð vekja athygli í máli Gabby Petito – Húsleit gerð hjá fjölskyldu unnusta hennar
Pressan
Fyrir 2 dögum

Minnisblað varpar ljósi á áætlun lögmanna Trump um að ógilda niðurstöður forsetakosninganna

Minnisblað varpar ljósi á áætlun lögmanna Trump um að ógilda niðurstöður forsetakosninganna
Pressan
Fyrir 4 dögum

Ný stofnun á að glíma við heimsfaraldra framtíðarinnar og þróa bóluefni hratt og örugglega

Ný stofnun á að glíma við heimsfaraldra framtíðarinnar og þróa bóluefni hratt og örugglega
Pressan
Fyrir 4 dögum

Of mikill frítími eykur ekki vellíðan fólks

Of mikill frítími eykur ekki vellíðan fólks