fbpx
Fimmtudagur 16.september 2021
Pressan

Íranar segja ásakanir Bandaríkjamanna um mannránsáætlun ekki eiga sér stoð í raunveruleikanum

Kristján Kristjánsson
Fimmtudaginn 15. júlí 2021 15:00

Masih Alinejad. Mynd:Getty

Ekki missa af Helstu tíðindum dagsins í pósthólfið þitt

Lesa nánar

Bandaríska dómsmálaráðuneytið segir að fjórir Íranar, sem eru ákærðir fyrir að hafa ætlað að ræna fréttakonu frá New York og flytja til Íran, séu starfsmenn írönsk leyniþjónustunnar. Írönsk yfirvöld segja að ákæran og málið allt sé „hlægilegt og eigi sér ekki stoð í raunveruleikanum“.

Það er fréttakonan Masih Alinejad, sem er írönsk en býr í Bandaríkjunum, sem var sú sem fjórmenningarnir ætluðu að sögn að ræna og flytja til Íran. Alinejad er gagnrýnin á írönsk stjórnvöld og berst fyrir mannréttindum og er því þyrnir í augum klerkastjórnarinnar.

Hún er þekkt fyrir að skafa ekki utan af hlutunum þegar hún gagnrýnir klerkastjórnina í Teheran og hún stofnaði hreyfinguna „My Stealthy Freedom“ sem hvetur múslímskar konur til að hætta að nota höfuðklúta.

Bandaríska dómsmálaráðuneytið segir að fjórmenningarnir, sem eru grunaðir í málinu, séu allir liðsmenn írönsku leyniþjónustunnar. Þeir eru sagðir hafa ætlað að ræna Alinejad í Brooklyn í New York. „Eins og fram kemur (í ákærunni, innsk. blaðamanns) vöktuðu fjórmenningarnir bandarískan ríkisborgara af írönskum ættum og hugðust nema á brott og flytja til Íran þar sem örlög viðkomandi hefðu í besta falli verið óljós,“ sagði Audrey Strauss, saksóknari í New York, um málið.

Saeed Khatibzadeh, talsmaður íranska utanríkisráðuneytisins, sagði: „Þessar nýju ásakanir frá bandarísku ríkisstjórninni eru svo staðlausar og hlægilegar að þær eru ekki þess virði að tjá sig um þær“.

Reuters hefur eftir Alinejad að henni sé mjög brugðið vegna málsins. Hún sagði að hún hafi starfað með bandarísku alríkislögreglunni FBI við rannsókn málsins síðan lögreglumenn sýndu henni myndir sem fjórmenningarnir höfðu tekið af henni. „Þeir sýndu mér að íslamska lýðveldið var mjög nærri mér. Ég trúi ekki að ég sé ekki einu sinni örugg í Bandaríkjunum,“ sagði hún.

Hún og eiginmaður hennar hafa verið flutt á milli staða síðustu mánuði af FBI sem hefur tryggt öryggi þeirra og gætt þeirra allan sólarhringinn.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Pressan
Fyrir 2 dögum

Grikkir biðja ESB um stuðning til að verjast ágangi afganskra flóttamanna

Grikkir biðja ESB um stuðning til að verjast ágangi afganskra flóttamanna
Pressan
Fyrir 3 dögum

Lögðu hald á 1,5 tonn af kókaíni í lystisnekkju undan strönd Englands

Lögðu hald á 1,5 tonn af kókaíni í lystisnekkju undan strönd Englands
Pressan
Fyrir 3 dögum

Faðir komst að því að nýji nágranninn er dæmdur barnaníðingur – Hefur áhyggjur af dætrum sínum og veit ekki hvað skal gera

Faðir komst að því að nýji nágranninn er dæmdur barnaníðingur – Hefur áhyggjur af dætrum sínum og veit ekki hvað skal gera
Pressan
Fyrir 3 dögum

Myrti hjásvæfu sína í miðju kynlífi – Læddist út frá eiginkonunni um miðja nótt

Myrti hjásvæfu sína í miðju kynlífi – Læddist út frá eiginkonunni um miðja nótt
Pressan
Fyrir 4 dögum

Hlýjasti vetur sögunnar á Nýja-Sjálandi

Hlýjasti vetur sögunnar á Nýja-Sjálandi
Pressan
Fyrir 4 dögum

James Webb geimsjónaukinn er loksins tilbúinn

James Webb geimsjónaukinn er loksins tilbúinn