fbpx
Þriðjudagur 22.júní 2021
Pressan

Talin hafa látist af völdum of mikillar tyggjónotkunar

Kristján Kristjánsson
Miðvikudaginn 9. júní 2021 06:00

Samantha Jenkins. Mynd:Facebook

Ekki missa af Helstu tíðindum dagsins í pósthólfið þitt

Lesa nánar

Samantha Jenkins, 19 ára, lést eftir að hafa kvartað yfir uppþembdum maga en hún taldi að neysla á gosdrykk hefði valdið því. Þegar fjölskylda hennar fór í gegnum herbergi hennar á heimili fjölskyldunnar í Felinfoel í Wales fannst mikið af tómum kössum og umbúðum utan af tyggjói.

Við krufningu fundust „fjórir eða fimm grænir klumpar“ í maga hennar. Þetta reyndist vera tyggjó. Dánardómsstjóri úrskurðaði að tyggjóið gæti hafa átt þátt í dauða hennar.

Þetta gerðist fyrir tíu árum en nýlega rifjaði móðir hennar, Maria Morgan, þetta upp í samtali við nzherald.

„Ég man þetta eins og þetta hafi gerst í gær,“ er haft eftir henni. Hún lýsti því síðan að Samantha hafi kvartað undan magaverkjum. Maria sagðist hafa sagt henni að fara og leggja sig og taka vatn með sér, hún hefði líklega verið of lengi úti í sólinni.

„Síðan heyrði ég dynk. Ég og dóttir mín stóðum upp og fórum að herbergisdyrunum hennar og ég sagði: „Hvað var þetta?“ Hún öskraði til okkar: „Er það svona sem það er að deyja?“ Síðan heyrðum við aftur dynk.“

Samantha var strax flutt á sjúkrahús þar sem hún var lögð í svefndá. „Hún komst aldrei til meðvitundar,“ sagði Maria.

Hún sagði að læknar hefðu sagt að ekki væri annað að sjá en hún hefði orðið fyrir eitrun.

Tyggjótegundin sem Samantha notaði inniheldur aspartame og sorbitol en þessi efni geta valdið því að saltmagn líkamans minnkar mikið.

„Dánardómsstjórinn vildi ekki slá því föstu að tyggjóið hefði orðið henni að bana en sagði að það hefði átt hlut að máli,“ sagði Maria.

„Tíu árum síðar eru enn svo margar spurningar en sú stærsta er eflaust af hverju ég missti dóttur mína af völdum tyggjós? Tyggjó, það er svo fáránlegt,“ sagði hún.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Pressan
Í gær

Nú beinast spjótin að henni – Veit „Leðurblökukonan“ eitthvað um uppruna kórónuveirunnar?

Nú beinast spjótin að henni – Veit „Leðurblökukonan“ eitthvað um uppruna kórónuveirunnar?
Pressan
Í gær

Himnahöll Kínverja verður tilbúin til notkunar á næsta ári

Himnahöll Kínverja verður tilbúin til notkunar á næsta ári
Pressan
Fyrir 4 dögum

49 þýskir lögreglumenn afhjúpaðir – Virkir á spjallrásum öfgahægrimanna

49 þýskir lögreglumenn afhjúpaðir – Virkir á spjallrásum öfgahægrimanna
Pressan
Fyrir 4 dögum

Slæmar fréttir af bóluefni CureVac

Slæmar fréttir af bóluefni CureVac
Pressan
Fyrir 4 dögum

Hryllingur í Þýskalandi – Maður myrti fyrrverandi eiginkonu og bróður hennar

Hryllingur í Þýskalandi – Maður myrti fyrrverandi eiginkonu og bróður hennar
Pressan
Fyrir 5 dögum

Líkamsleifar manns sem hvarf árið 2004 fundnar

Líkamsleifar manns sem hvarf árið 2004 fundnar