fbpx
Miðvikudagur 04.ágúst 2021
Pressan

Var með kórónuveiruna í 305 daga samfleytt

Kristján Kristjánsson
Fimmtudaginn 24. júní 2021 06:59

Kórónuveira. Mynd:Getty

Ekki missa af Helstu tíðindum dagsins í pósthólfið þitt

Lesa nánar

Dave Smith, 72 ára ökukennari á eftirlaunum, er loksins laus við kórónuveiruna eftir að hafa verið smitaður af henni í 305 daga samfleytt. Smith, sem býr í Bristol á Englandi, er með veikburða ónæmiskerfi en hefur loksins losnað við veiruna og hefur það gott.

The Guardian skýrir frá þessu. Ekki er vitað um neinn annan sem hefur verið smitaður af kórónuveirunni lengur en Smith.

Hann segir sjálfur að í hvert sinn sem heilsu hans hrakaði hafi honum liðið svo illa að hann hafi verið við dauðans dyr. „Konan mín byrjaði fimm sinnum að skipuleggja útför mína. Ég hringdi í alla ættingja mína og friðmæltist við þá. Núna vildi ég óska að ég hefði ekki gert það,“ sagði hann í gríni.

Sjúkrasaga hans verður kynnt á Evrópuráðstefnu um klíníska örverufræði og smitsjúkdóma í júlí. Í drögum, sem verða lögð fram á ráðstefnunni, kemur fram að talið sé að veikindi Smith séu „lengstu skráðu veikindin“ af völdum kórónuveirunnar.

Hann var lagður inn á sjúkrahús í maí 2020 með hósta og hita. Sýnataka leiddi í ljós að hann var með COVID-19. Hann var útskrifaður átta dögum síðar en glímdi enn við öndunarörðugleika og háan hita. Hann þurfti aftur að leggjast inn á sjúkrahús í ágúst og lá þar fram í desember.

17 daga meðferð með lyfinu remdesivir í desember hafði engin áhrif. Vísindamenn við University of Bristol segja að þeim hafi tekist að hressa hann við með mismunandi mótefnum sem þeir bjuggu til. 45 dögum eftir þá meðferð var Smith loks laus við veiruna.

Hann var með einkenni COVID-19 sex vikum áður en hann var lagður inn á sjúkrahús og því gæti hann vel hafa verið smitaður í tæpt ár en það verður ekki staðfest úr því sem komið er.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Pressan
Í gær

Blæti auðjöfursins varð tveimur mönnum að bana

Blæti auðjöfursins varð tveimur mönnum að bana
Pressan
Í gær

Líbanski herinn er í fjárþörf og fer óvenjulega leið til að afla fjár

Líbanski herinn er í fjárþörf og fer óvenjulega leið til að afla fjár
Pressan
Fyrir 2 dögum

Kannski lýkur lífinu hér á jörðinni ekki þegar dagar sólarinnar verða taldir

Kannski lýkur lífinu hér á jörðinni ekki þegar dagar sólarinnar verða taldir
Pressan
Fyrir 2 dögum

Hvítrússar reyndu að nauðungarflytja keppanda heim frá Ólympíuleikunum

Hvítrússar reyndu að nauðungarflytja keppanda heim frá Ólympíuleikunum
Pressan
Fyrir 3 dögum

Andstæðingar bólusetninga innanlands og utan – Hugsjónafólk eða peningafólk?

Andstæðingar bólusetninga innanlands og utan – Hugsjónafólk eða peningafólk?
Pressan
Fyrir 3 dögum

Fyrstu staðfestu átök simpansa og górilla

Fyrstu staðfestu átök simpansa og górilla
Pressan
Fyrir 5 dögum

Tvö dönsk börn hafa látist af völdum COVID-19

Tvö dönsk börn hafa látist af völdum COVID-19
Pressan
Fyrir 5 dögum

Hryllingshótelið – Gestirnir sluppu ekki lifandi út

Hryllingshótelið – Gestirnir sluppu ekki lifandi út