fbpx
Sunnudagur 13.júní 2021
Pressan

Eignaðist barn um borð í farþegaflugvél – Læknir og hjúkrunarfræðingar á fyrirburadeild voru meðal farþega

Kristján Kristjánsson
Föstudaginn 7. maí 2021 08:00

Dale Glenn og Mounga með drenginn. Mynd:Twitter/Hawaii Pacific Health

Ekki missa af Helstu tíðindum dagsins í pósthólfið þitt

Lesa nánar

Þann 28. apríl síðastliðinn var Lavinia Mounga á leið með farþegaflugvél frá Salt Lake City til Hawaii í frí. Hún var þá gengin 29 vikur með son sinn, Raymond. Þegar flugvélin var hálfnuð á leið sinni til Hawaii fékk Mounga hríðir og spurði áhöfnin því í kallkerfi vélarinnar hvort einhver læknir eða hjúkrunarfræðingur væri um borð. Svo vel vildi til að læknir var um borð og að auki þrír hjúkrunarfræðingar sem starfa á fyrirburadeild.

Það má því segja að Mounga hafi valið vel þegar hún ákvað að fljúga með þessu tiltekna flugi þar sem svo velmenntaðir farþegar voru með í för.

„Þegar flugið var um það bil hálfnað kom neyðarkall. Ég hef upplifað svona áður og venjulega er áhöfnin þá skýrt og greinilega að spyrja hvort læknir sé um borð. Þetta kall var ekki þannig og það var mjög áríðandi,“ sagði Dale Glenn, læknir, sem var um borð í vélinni. The Guardian skýrir frá þessu.

Auk hans gáfu þrír hjúkrunarfræðingar, sem starfa á fyrirburadeild sjúkrahúss í Kansas, sig fram og tóku fjórmenningarnir til óspilltra málana við að aðstoða Mounga. Nauðsynlegur búnaður, sem notaður er við fæðingar, var ekki um borð og því var gripið til þess ráðs að nota skóreimar til að klippa á naflastrenginn og binda um hann. Snjall úr var síðan notað til að mæla hjartslátt drengsins. „Við vorum öll að reyna að vinna í mjög litlu og þröngu rými í flugvél en það er mikil áskorun. En samvinnan var frábær,“ sagði Glenn.

Læknar og hjúkrunarfræðingar komu síðan um borð í vélina þegar hún lenti í Honolulu þremur klukkustundum síðar. Var Mounga og Raymond þá ekið frá borði í hjólastól og lét drengurinn heyra vel í sér á leiðinni út. Mounga hefur verið útskrifuð af sjúkrahúsi en Raymond mun dvelja á fyrirburadeild þar til hann getur farið heim.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Pressan
Fyrir 2 dögum

Unnustinn fékk bílinn lánaðan og ók of hratt – Bíllinn gerður upptækur til ríkisins

Unnustinn fékk bílinn lánaðan og ók of hratt – Bíllinn gerður upptækur til ríkisins
Pressan
Fyrir 2 dögum

Myrti eiginkonuna um borð í skemmtiferðaskipi – Farþegarnir héldu að um skemmtiatriði væri að ræða

Myrti eiginkonuna um borð í skemmtiferðaskipi – Farþegarnir héldu að um skemmtiatriði væri að ræða
Pressan
Fyrir 3 dögum

Skar fingur af viðskiptavini í sjoppu og sló afgreiðslumanninn

Skar fingur af viðskiptavini í sjoppu og sló afgreiðslumanninn
Pressan
Fyrir 4 dögum

Ný sjúkdómseinkenni tengd Deltaafbrigði kórónuveirunnar – Kolbrandur og heyrnartap

Ný sjúkdómseinkenni tengd Deltaafbrigði kórónuveirunnar – Kolbrandur og heyrnartap
Pressan
Fyrir 4 dögum

Aiden var drepinn fyrir framan móður sína – Nú eru ný tíðindi í málinu

Aiden var drepinn fyrir framan móður sína – Nú eru ný tíðindi í málinu
Pressan
Fyrir 5 dögum

Bandarísk yfirvöld léku á tölvuþrjóta og náðu milljónum dollara frá þeim

Bandarísk yfirvöld léku á tölvuþrjóta og náðu milljónum dollara frá þeim