fbpx
Sunnudagur 13.júní 2021
Pressan

Borgaryfirvöld í Amsterdam vilja breyta ímynd borgarinnar – Ætla að reisa risastórt vændishús

Kristján Kristjánsson
Föstudaginn 7. maí 2021 22:30

Rauða hverfið í Amsterdam.

Ekki missa af Helstu tíðindum dagsins í pósthólfið þitt

Lesa nánar

Borgarfulltrúar í Amsterdam í Hollandi vilja breyta ímynd borgarinnar sem ferðamannaborgar. Einn stærsti liðurinn í því er að loka „Rauða hverfinu“, sem er vændishverfi borgarinnar, og byggja þess í stað risastórt vændishús í úthverfi borgarinnar. Borgarstjórinn kynnti nýlega hugmyndir að vændishúsinu en þar á að bjóða upp á nektardans og leigja út 100 lítil herbergi til vændiskvenna.

Borgarfulltrúarnir vilja nýta tækifærið nú þegar ferðamenn fara að streyma aftur til borgarinnar að heimsfaraldrinum loknum til að breyta ímynd hennar. Þeir vilja gera upp við þær hugmyndir sem margir ferðamenn hafa um borgina, að þar blómstri vændi og kannabisneysla. Af þeim sökum vilja þeir loka Rauða hverfinu og tillaga hefur verið lögð fram í borgarstjórn um að banna sölu á kannabis til ferðamanna. Ekki stefnir þó í að sú tillaga nái fram að ganga í borgarstjórn því margir borgarfulltrúar óttast að slíkt bann verði aðeins til að styrkja glæpasamtök sem geti hagnast á ólöglegri sölu kannabis til ferðamanna.

En hugmyndin um risastóra vændishúsið nýtur meiri stuðnings. Auk vændishússins á byggingin að hýsa nokkra bari og nektardansklúbb. Verið er að skoða hugsanlega staðsetningu byggingarinnar og koma níu staðir til greina. Borgarfulltrúarnir segja að hugmyndin um vændishúsið sé liður í að breyta ímynd borgarinnar í augum ferðamanna en einnig sé þetta hugsað til að vernda vændiskonurnar. „Ef þú gengur um þröngar göturnar sérðu hópa ferðamanna standa framan við gluggana og taka myndir af útlendu konunum og hlæja að þeim,“ sagði Femke Halsema, borgarstjóri, í samtali við The Guardian en þar á hún við að í Rauða hverfinu stilla vændiskonur sér út í glugga vændishúsa og eru þar til sýnis í þeirri von að viðskiptavinir bíti á agnið. „Sem kona get ég ekki sætt mig við að það sé gert lítið úr konum á þennan hátt. Ég get ekki sætt mig við það. Þetta brýtur gegn öllum réttindum kvenna og þeim vilja okkar að auka réttindi vændiskvenna,“ sagði Halsema einnig.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Pressan
Fyrir 2 dögum

Banna útlend föt, myndir og slangur

Banna útlend föt, myndir og slangur
Pressan
Fyrir 2 dögum

Bjóða fólki 360.000 krónur fyrir að skrifa undir ráðningarsamning

Bjóða fólki 360.000 krónur fyrir að skrifa undir ráðningarsamning
Pressan
Fyrir 2 dögum

Myrti eiginkonuna um borð í skemmtiferðaskipi – Farþegarnir héldu að um skemmtiatriði væri að ræða

Myrti eiginkonuna um borð í skemmtiferðaskipi – Farþegarnir héldu að um skemmtiatriði væri að ræða
Pressan
Fyrir 2 dögum

Myrti vinkonu sína með augndropum

Myrti vinkonu sína með augndropum
Pressan
Fyrir 3 dögum

Joe Biden kominn til Bretlands – Fyrsta utanlandsferð hans eftir embættistökuna

Joe Biden kominn til Bretlands – Fyrsta utanlandsferð hans eftir embættistökuna
Pressan
Fyrir 3 dögum

Kvöldvaktin á skyndibitastaðnum breyttist í martröð – „Ég gerði svolítið hryllilegt“

Kvöldvaktin á skyndibitastaðnum breyttist í martröð – „Ég gerði svolítið hryllilegt“
Pressan
Fyrir 4 dögum

Ný sjúkdómseinkenni tengd Deltaafbrigði kórónuveirunnar – Kolbrandur og heyrnartap

Ný sjúkdómseinkenni tengd Deltaafbrigði kórónuveirunnar – Kolbrandur og heyrnartap
Pressan
Fyrir 4 dögum

Umferðaróhapp í Noregi varð til þess að upp komst um morð

Umferðaróhapp í Noregi varð til þess að upp komst um morð