fbpx
Sunnudagur 19.september 2021
Pressan

Sex liðsmenn Rauðu herdeildanna handteknir í Frakklandi – „Óskiljanleg svik Frakka“

Kristján Kristjánsson
Fimmtudaginn 29. apríl 2021 06:59

Franskir lögreglumenn við störf. Mynd:EPA

Ekki missa af Helstu tíðindum dagsins í pósthólfið þitt

Lesa nánar

Franska lögreglan handtók í gær sjö fyrrum öfgavinstrimenn. Allir eru þeir ítalskir. Sex eru fyrrum liðsmenn hryðjuverkasamtakanna Rauðu herdeildanna og sá sjöundi var einn stofnandi Lotta Continua sem voru herská samtök. Sjömenningarnir höfðu allir hlotið dóma á Ítalíu fyrir hryðjuverk á sjöunda, áttunda og níunda áratugnum og höfðu verið eftirlýstir síðan. Það var ekkert leyndarmál að fólkið var í Frakklandi en Frakkar höfðu ekki gert neitt í málinu áratugum saman fyrr en í gær. Aðgerðarleysi þeirra hefur sett mark sitt á samband ríkjanna allan þennan tíma.

Emmanuel Macron, Frakklandsforseti, sagði í gær að handtökurnar væru afrakstur margra mánaða viðræðna ítalskra og franskra yfirvalda. Mario Draghi, forsætisráðherra Ítalíu, fagnaði handtökunum: „Minningarnar um þessar villimannslegu aðgerðir lifa enn í vitund Ítala,“ sagði í fréttatilkynningu sem hann sendi frá sér og á hann þar við hryðjuverk Rauðu herdeildanna.

Þær stóðu áratugum saman á bak við fjölda ofbeldisverka og morða á Ítalíu. Þar á meðal rændu liðsmenn samtakanna Aldo Moro, þekktum stjórnmálamanni, 1978 og myrtu hann. Þeir sex liðsmenn Rauðu herdeildanna sem voru handteknir í gær höfðu allir verið dæmdir í ævilangt fangelsi fyrir þátttöku í morðum og öðrum ofbeldisverkum.

Á níunda áratugnum flúið fjöldi öfgavinstrimanna frá Ítalíu til Frakklands en Francois Mitterand, þáverandi Frakklandsforseti, hét þeim vernd gegn framsali. Þetta hefur alla tíð síðan sett mark sitt á samband ríkjanna. Macron sagði í gær að það hefði aldrei verið ætlunin að fólk með „blóðugar hendur“ myndi njóta verndar í Frakklandi.

Ítalir hafa nafngreint fjölda annarra öfgasinna sem þeir vilja fá framselda vegna aðildar þeirra að hryðjuverkum. Handtökur gærdagsins eru fyrsta skrefið í átt að bættu sambandi Ítalíu og Frakklands að mati yfirvalda í báðum ríkjum.

BBC hefur eftir Marta Cartabia, dómsmálaráðherra Ítalíu, að handtökurnar séu sögulegar en utanríkisráðuneytið segir að þær séu sönnun þess að enginn geti flúið undan ábyrgð sinni, frá þeim sársauka sem þeir hafi valdið öðrum.

Irene Terrel, lögmaður eins hinna handteknu, sagði í gær að handtökurnar væru „óskiljanleg svik Frakka“. „Þetta fólk hefur notið verndar Frakka allt frá níunda áratugnum. Það hefur byggt líf sitt upp á nýjan leik í 30 ár án þess að leynast. Það hefur eignast börn og barnabörn . . og síðan snemma dags, 40 árum síðar, er komið að leita að þeim,“ sagði hún.

Nú kemur í hlut franskra dómstóla að úrskurða hvort fólkið verði framselt til Ítalíu.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Pressan
Fyrir 2 dögum

Philip prins tekur leyndarmálið með sér í gröfina

Philip prins tekur leyndarmálið með sér í gröfina
Pressan
Fyrir 2 dögum

Sáu „óvenjulegan lit“ við árbakkann – Brá mjög í brún þegar þeir sáu hvað þetta var

Sáu „óvenjulegan lit“ við árbakkann – Brá mjög í brún þegar þeir sáu hvað þetta var
Pressan
Fyrir 4 dögum

Neyddust til að loka fæðingardeild vegna andstöðu starfsfólks við að láta bólusetja sig

Neyddust til að loka fæðingardeild vegna andstöðu starfsfólks við að láta bólusetja sig
Pressan
Fyrir 4 dögum

Skotinn þegar hann réðst á sænska lögreglumenn í nótt

Skotinn þegar hann réðst á sænska lögreglumenn í nótt