fbpx
Þriðjudagur 11.maí 2021
Pressan

Fötum fyrir tugi milljóna stolið frá hjálparsamtökum

Kristján Kristjánsson
Sunnudaginn 18. apríl 2021 23:00

Miklu er stolið úr söfnunargámum. Mynd:Getty

Ekki missa af Helstu tíðindum dagsins í pósthólfið þitt

Lesa nánar

Á ári hverju er notuðum fatnaði, sem sænsk hjálparsamtök fá gefins, stolið frá þeim. Fötunum er stolið úr söfnunargámum. Um skipulagða glæpastarfsemi er að ræða því stór hluti af fatnaðinum er síðan seldur.

Þetta kemur fram í umfjöllun Sænska ríkisútvarpsins um málið en fjallað var um það í fréttaskýringaþættinum Uppdrag granskning. Með aðstoð falinna myndavéla og gps-senda tókst þáttagerðarmönnum að hafa uppi á þjófum sem taka þátt í þessari skipulögðu brotastarfsemi.

Árlega gefa Svíar hjálparsamtökum um 40.000 tonn af fatnaði. Í mörgum tilfellum setur fólk fatnaðinn í söfnunargáma hjálparsamtakanna. En fatnaðurinn skilar sér ekki allur til hjálparsamtakanna því þjófar stela mörg þúsund tonnum úr gámunum árlega áður en hjálparsamtökin ná að tæma þá.

Hjálparsamtökin Human Bridge eru þau stærstu í Svíþjóð hvað varðar söfnun á notuðum fatnaði. Samtökin eru með 2.500 söfnunargáma um allt land. Þau telja að 1.500 til 2.000 tonnum sé stolið úr þeim árlega. Samtökin kæra alltaf slíka þjófnaði og á síðasta ári voru kærurnar 350 í Stokkhólmi.

Lögreglan sagði þáttagerðarmönnum að hún viti af þessum þjófnuðum sem séu oft framdir af skipulögðum erlendum glæpasamtökum sem stundi oft einnig aðra afbrotastarfsemi. Sagði lögreglan að þessi glæpasamtök stundi oft afbrot sem vægar refsingar liggi við en á móti komi að með því að stela miklu magni fatnaðar sé hægt að verða sér úti um mikla peninga.

Þegar þáttagerðarmenn stóðu meðlim einna glæpasamtaka að þjófnaði úr gámi neitaði hann að vita hvað þeir væru að tala um og síðan hafði hann í hótunum við þáttagerðarmenn og hótaði þeim meðal annars lífláti.

Mál af þessu tagi hafa einnig komið upp í Danmörku en nýlega handtök lögreglan þar meðlimi glæpagengis sem eru grunað um að hafa stolið 40 tonnum af fatnaði úr söfnunargámum.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Pressan
Fyrir 2 dögum

Fólk er tilbúið í bólfarir – Sala á smokkum tekur mikinn kipp

Fólk er tilbúið í bólfarir – Sala á smokkum tekur mikinn kipp
Pressan
Fyrir 2 dögum

Segir að Kínverjar auki kúgun sína og séu árásargjarnir

Segir að Kínverjar auki kúgun sína og séu árásargjarnir
Pressan
Fyrir 3 dögum

45.000 vilja fá að taka þátt í veiðum á vísundum í Miklagljúfri

45.000 vilja fá að taka þátt í veiðum á vísundum í Miklagljúfri
Pressan
Fyrir 4 dögum

Eignaðist barn um borð í farþegaflugvél – Læknir og hjúkrunarfræðingar á fyrirburadeild voru meðal farþega

Eignaðist barn um borð í farþegaflugvél – Læknir og hjúkrunarfræðingar á fyrirburadeild voru meðal farþega
Pressan
Fyrir 4 dögum

Nýjar og óhugnanlegar upplýsingar um hvarf flugs MH370

Nýjar og óhugnanlegar upplýsingar um hvarf flugs MH370
Pressan
Fyrir 4 dögum

Óhugnanlegar myndir úr yfirgefnu húsi vekja athygli – Eigendurnir létu lífið fyrir þremur árum

Óhugnanlegar myndir úr yfirgefnu húsi vekja athygli – Eigendurnir létu lífið fyrir þremur árum