fbpx
Föstudagur 26.nóvember 2021
Pressan

Elísabet II sagði pent nei takk – Telur sig ekki uppfylla skilyrðin fyrir að vera kjörin öldungur ársins

Kristján Kristjánsson
Miðvikudaginn 20. október 2021 07:03

Elísabet II afþakkaði heiðurinn.

Ekki missa af Helstu tíðindum dagsins í pósthólfið þitt

Lesa nánar

Takk, en nei takk var svar Elísabetar II Bretadrottningar þegar hún afþakkaði, að sjálfsögðu kurteislega, að vera kjörin öldungur ársins (Oldie of the Year) af breska tímaritinu The Oldie. Í svari drottningarinnar til blaðsins kemur fram að hún telji sig ekki uppfylla skilyrðin fyrir kjörinu.

Blaðið birti í gær svar drottningarinnar við tillögu þess um að hún yrði kjörinn öldungur ársins en meðal fyrri sigurvegara eru John Major, fyrrum forsætisráðherra Bretlands, Olivia de Havilland, leikkona, og listamaðurinn David Hockney.

„Hennar hátign er sannfærð um að maður sé eins gamall og manni finnst maður vera. Af þeim sökum telur drottningin ekki að hún uppfylli nauðsynleg skilyrði fyrir að geta veitt verðlaununum viðtöku og vonast til að þið finnið verðugri vinningshafa,“ segir í bréfi sem ritari drottningarinnar sendi blaðinu.

Eiginmaður Elísabetar, Philip prins, lést fyrr á árinu 99 ára að aldri. Sjálf er hún orðin 95 ára en lætur engan bilbug á sér finna og sinnir embættisskyldum sínum af krafti.

Titillinn „Oldie of the Year“ er árlega veittur öldruðu fólki sem þykir hafa skarað fram úr og lagt mikið af mörkum opinberlega. Philip prins fékk þennan titil 2011 þegar hann var níræður.

Tímaritið The Oldie hóf göngu sína 1992 en það er gamansamt mánaðarrit ætlað eldra fólki. Það fjallar ekki um hefðbundin málefni eldra fólks heldur er því ætlað að vera mótsvar við öðrum fjölmiðlum sem eru „helteknir af æsku og frægu fólki“ eins og segir á heimasíðu tímaritsins.

Elísabet hefur verið drottning síðan 1992 og getur því fagnað 70 ára valdaafmæli í febrúar á næsta ári.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Pressan
Fyrir 3 dögum

Sjö konur lögsækja Katar eftir að hafa verið neyddar í skoðun hjá kvensjúkdómalækni

Sjö konur lögsækja Katar eftir að hafa verið neyddar í skoðun hjá kvensjúkdómalækni
Pressan
Fyrir 3 dögum

„Þeir óbólusettu bera ábyrgð á árás á heilbrigðiskerfið okkar“

„Þeir óbólusettu bera ábyrgð á árás á heilbrigðiskerfið okkar“
Pressan
Fyrir 4 dögum

Dularfullur sjúkdómur herjar en bara á einum stað í heiminum

Dularfullur sjúkdómur herjar en bara á einum stað í heiminum
Pressan
Fyrir 4 dögum

Hrottalegt morðmál skekur Svíþjóð – Stjórnmálamaður handtekinn – Grunaður um að hafa sundurhlutað líkið

Hrottalegt morðmál skekur Svíþjóð – Stjórnmálamaður handtekinn – Grunaður um að hafa sundurhlutað líkið
Pressan
Fyrir 4 dögum

Þetta var bara æfing hjá lögreglunni – Stóðu skyndilega í miðri morðgátu

Þetta var bara æfing hjá lögreglunni – Stóðu skyndilega í miðri morðgátu
Pressan
Fyrir 4 dögum

11 ára stúlka fór í sund og smitaðist af lekanda

11 ára stúlka fór í sund og smitaðist af lekanda