fbpx
Sunnudagur 14.ágúst 2022
Pressan

Samningar náðust um vopnahlé á milli Ísraels og Hamas

Kristján Kristjánsson
Föstudaginn 21. maí 2021 06:00

Eldflaugum var skotið frá Gaza á Ísrael á meðan á átökunum stóð. Mynd:Getty

Ekki missa af Helstu tíðindum dagsins í pósthólfið þitt

Lesa nánar

Ísraelska öryggismálanefndin lýsti í gærkvöldi yfir stuðningi við vopnahléssamning við Hamas og önnur samtök Palestínumanna á Gasa. Þar með lauk 11 daga átökum sem hafa kostað á þriðja hundrað mannslíf. Vopnahléið tók gildi klukkan 02 í nótt að staðartíma.

Öryggismálanefndin samanstendur af leiðtogum hinna ýmsu stofnana, þar á meðal hersins, og ráðherrum ríkisstjórnarinnar. Hún samþykkti einróma að „fallast á tillögur Egypta um skilyrðislaust vopnahlé,“ að því er segir í tilkynningu frá ísraelsku ríkisstjórninni.

Fjölmiðlar í Líbanon segja að Hamas, hryðjuverkasamtökin sem fara með völd á Gasa, styðji tillögu Egypta einnig.

Um leið og Ísraelsmenn staðfestu að þeir sættust á vopnahléstillögu Egypta fóru loftvarnarsírenur í gang í mörgum bæjum í suðurhluta landsins og vöruðu við nýrri flugskeytaárás frá Gasa. Palestínskir fjölmiðlar segja að ísraelskar herþotur hafi gert árásir á skotmörk á Gasa í kjölfarið.

Ákvörðun Ísraelsmanna um að samþykkja vopnahlé var tekin eftir vaxandi þrýsting frá Bandaríkjunum.

Átökin að þessu sinni eru þau hörðustu á milli hinna stríðandi aðila síðan í stríðinu á Gasa 2014. Eins og svo oft áður er enginn sigurvegari eftir átökin. Loftárásir Ísraelsmanna á Gasa hafa valdið miklu tjóni og skert hernaðargetu Hamas en samt sem áður hafa samtökin getað haldið áfram að skjóta eldflaugum á Ísrael. Að minnsta kosti 232 létust á Gasa og 12 í Ísrael.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Pressan
Í gær

Er þetta þrjóskasti lögmaður heims? Sigraði eftir 22 ára baráttu vegna 35 króna

Er þetta þrjóskasti lögmaður heims? Sigraði eftir 22 ára baráttu vegna 35 króna
Pressan
Í gær

McDonald‘s opnar nokkra veitingastaði í Úkraínu að nýju – Vilja styðja tilfinninguna um eðlilegt ástand

McDonald‘s opnar nokkra veitingastaði í Úkraínu að nýju – Vilja styðja tilfinninguna um eðlilegt ástand
Pressan
Fyrir 3 dögum

Þrír látnir og 39 hús skemmd eftir sprengingu í Indiana

Þrír látnir og 39 hús skemmd eftir sprengingu í Indiana
Pressan
Fyrir 3 dögum

Ungur maður skotinn til bana í Vårberg

Ungur maður skotinn til bana í Vårberg