fbpx
Laugardagur 16.október 2021
Pressan

Leita að alþjóðlegum Legoþjófum

Kristján Kristjánsson
Sunnudaginn 11. apríl 2021 16:00

Lego er sívinsælt. Mynd:Wikimedia Commons

Ekki missa af Helstu tíðindum dagsins í pósthólfið þitt

Lesa nánar

Í júní á síðasta ári voru tveir karlar og ein kona handtekin í leikfangaverslun í Yvelines nærri París. Þau voru staðin að verki þar sem þau voru að stela Lego. Áður hafði sést til þeirra við sömu iðju í tveimur öðrum leikfangaverslunum. Talið er að fólkið tilheyri alþjóðlegum glæpasamtökum.

Le Parisien segir að þremenningarnir, sem eru frá Póllandi, hafi viðurkennt að tilheyra skipulögðum alþjóðlegum glæpasamtökum sem sérhæfa sig í að stela Lego. Fólkið bjó á hóteli í París og ók um á Audi. Það fór í leikfangaverslanir til að stela þessum eftirsóttu leikföngum sem voru síðan seld í Póllandi.

Franska lögreglan segist vera kominn nokkuð áleiðis við að leysa glæpahópinn upp en varar verslanir og almenning við hvað varðar kaup og sölu á Lego. „Það eru ekki bara börn í Legosamfélaginu, það eru margir fullorðnir sem byggja úr kubbum,“ er haft eftir lögreglumanni. Hann sagði einnig að þjófar hafi brotist inn á heimili fólks til að stela Lego. Eitt dæmi um slíkt er frá Svíþjóð en í janúar var brotist inn hjá Kent Larsson og Legosafni hans stolið en verðmæti þess var sem nemur um 600.000 íslenskum krónum að sögn Sænska ríkisútvarpsins.

En Legoþjófarnir í Frakklandi eru ekki þeir einu sem hafa stundað þessa iðju síðustu árin. Mörg dæmi er um slíka þjófa frá Bandaríkjunum, Kanada, Bretland, Ástralíu og fleiri löndum. Í mars var maður handtekinn í Oregon í Bandaríkjunum grunaður um að hafa stolið Lego að andvirði sem nemur um einni milljón íslenskra króna. Oregon Live skýrir frá þessu. BBC segir að síðasta sumar hafi Lego að andvirði sem nemur um 74 milljónum íslenskra króna verið stolið úr lagerhúsnæði í Huddersfield á Englandi.

Lego heillar þjófa því það er dýrt og það er auðvelt að selja það á internetinu. „Það er svartur markaður fyrir allt, sérstaklega verðmæta hluti. Lego er „heitt“ því það er vinsælt og dýrt. Það er nánast útilokað að rekja það, það er ekki með raðnúmer, og auðvelt að selja,“ hefur Vice eftir Peter Simpson hjá lögreglunni í Portland í Bandaríkjunum.

Verðmætustu Legosettin eru í óopnuðum umbúðum en fyrir sum þeirra fást ótrúlegar upphæðir. Ástæðan er að Lego framleiðir settin bara í ákveðinn tíma og hættir síðan framleiðslu þeirra algjörlega. Það eykur verðmæti þeirra í augum safnara.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Pressan
Í gær

Óvæntur atburður í svefnherberginu – „Ég hef aldrei verið svona hrædd á lífsleiðinni“

Óvæntur atburður í svefnherberginu – „Ég hef aldrei verið svona hrædd á lífsleiðinni“
Pressan
Í gær

Auglýstu eftir barnapíu á Facebook og fóru síðan út í leynilegum erindagjörðum

Auglýstu eftir barnapíu á Facebook og fóru síðan út í leynilegum erindagjörðum
Pressan
Fyrir 2 dögum

Spurningin sem íbúar í Kongsberg spyrja sig – „Það er hræðilegt að hugsa til þess“

Spurningin sem íbúar í Kongsberg spyrja sig – „Það er hræðilegt að hugsa til þess“
Pressan
Fyrir 2 dögum

WHO ætlar að rannsaka uppruna kórónuveirunnar á nýjan leik – Hugsanlega síðasta rannsóknin

WHO ætlar að rannsaka uppruna kórónuveirunnar á nýjan leik – Hugsanlega síðasta rannsóknin
Pressan
Fyrir 3 dögum

Enn vex spennan við Taívan – Kínverjar æfa landgöngu og bandarískir hermenn á Taívan

Enn vex spennan við Taívan – Kínverjar æfa landgöngu og bandarískir hermenn á Taívan
Pressan
Fyrir 3 dögum

Frakkar krefja Breta um greiðslu fyrir að stöðva ferðir förufólks yfir Ermarsund

Frakkar krefja Breta um greiðslu fyrir að stöðva ferðir förufólks yfir Ermarsund