fbpx
Þriðjudagur 09.ágúst 2022
Pressan

Frá því að vera götusali í Aþenu yfir í stærsta samninginn í sögu NBA

Kristján Kristjánsson
Laugardaginn 16. janúar 2021 21:00

Giannis Antetokounmpo á vellinum. Mynd:Getty

Ekki missa af Helstu tíðindum dagsins í pósthólfið þitt

Lesa nánar

Tveir bræður, eitt par af skóm. Þetta var raunveruleikinn hjá Thanasis og Giannis Antetokounmpo þegar þeir voru unglingar í Aþenu. Þeir urðu að skiptast á að spila körfubolta því þeir áttu bara eitt par af skóm saman. Þetta hljómar eiginlega eins og lygasaga þegar bræðurnir sjást spila saman í NBA-liði Milwaukee Bucks í dag. Giannis, sem er yngri, skrifaði nýlega undir samning við liðið, þann stærsta í sögu NBA en verðmæti hans er 228 milljónir dollara.

Bræðurnir ólust upp við mikla fátækt í Aþenu. Synir ólöglegra og fátækra innflytjenda frá Nígeríu. Bræðurnir aðstoðuðu foreldra sína við að afla fjár til heimilisins með því að stunda götusölu. „Við seldum ýmislegt, úr, handtöskur, sólgleraugu, lyklakippur, geisladiska, DVD. Bara allt sem við náðum í,“ sagði Giannis í samtali við BBC 2019.

Þessar aðstæður mótuðu hann mikið en þessi 26 ára körfuboltamaður var kjörinn verðmætasti leikmaður NBA-deildarinnar síðustu tvö leiktímabil. „Bakgrunnur minn er ástæðan fyrir vinnusemi minni. Ég sá foreldra mína leggja hart að sér á hverjum degi til að sjá fyrir okkur. Það var ótrúlegt og hefur setið í mér síðan,“ sagði hann við BBC.

Vinnusemin skilaði sér

Giannis var fimmtándi í háskólavalinu 2013 en í því velja liðin í NBA-deildinni sér leikmenn úr háskólaliðunum. Hann hefur heldur betur dafnað síðan hann fór í atvinnumennskuna og er nú verðmætasti leikmaðurinn og sá launahæsti, raunar sá launahæsti í sögunni.

Samningurinn við Milwaukee Bucks færir honum að sögn 228 milljónir dollara. Gróflega útreiknað fær hann sem nemur um 650.000 íslenskum krónum á klukkustund í laun.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Pressan
Í gær

Vopnahlé náðist eftir þrjá daga af banvænum árásum í Palestínu

Vopnahlé náðist eftir þrjá daga af banvænum árásum í Palestínu
Pressan
Í gær

80.000 ferðamenn eru fastir á hinu kínverska Hawaii vegna COVID-19 – Þarf fimm neikvæð sýni til að fá að yfirgefa staðinn

80.000 ferðamenn eru fastir á hinu kínverska Hawaii vegna COVID-19 – Þarf fimm neikvæð sýni til að fá að yfirgefa staðinn
Pressan
Í gær

Lögreglan rannsakar mál áhrifavalds sem borðaði hvíthákarl

Lögreglan rannsakar mál áhrifavalds sem borðaði hvíthákarl
Pressan
Í gær

Hættan á útrýmingu mannkyns vegna loftslagsbreytinga er „hættulega vanmetin“

Hættan á útrýmingu mannkyns vegna loftslagsbreytinga er „hættulega vanmetin“
Pressan
Fyrir 3 dögum

Þessi mistök gerir þú hugsanlega inni á baðherbergi

Þessi mistök gerir þú hugsanlega inni á baðherbergi
Pressan
Fyrir 3 dögum

Móðir Gabby Petito segir dagbókarjátningu morðingjans fáránlega – „Við vitum hvernig hún dó“

Móðir Gabby Petito segir dagbókarjátningu morðingjans fáránlega – „Við vitum hvernig hún dó“