fbpx
Mánudagur 26.október 2020
Pressan

Hrollvekjandi leynileg skýrsla sænsku lögreglunnar – „Fjölskylduglæpagengi hafa hreiðrað um sig í öllum lögum samfélagsins“

Kristján Kristjánsson
Mánudaginn 21. september 2020 05:30

Munu norskir lögreglumenn starfa í Svíþjóð innan skamms? Mynd úr safni.

Ekki missa af Helstu tíðindum dagsins í pósthólfið þitt

Lesa nánar

Skipulögð glæpasamtök og fjölskylduglæpagengi eru stórt vandamál í Svíþjóð. Svo stórt að nú er talið að 40 fjölskylduglæpagengi, hið minnsta, starfi í landinu og sé eina markmið þeirra að skipuleggja og fremja afbrot. Þetta sagði Mats Löfving, vararíkislögreglustjóri, fyrr í mánuðinum í samtali við Sænska ríkisútvarpið. Hann sagði þá að Svíar væru of „bláeygðir“ hvað varðar starfsemi glæpagengja. Í leynilegri skýrslu sænsku lögreglunnar, sem Expressen komst nýverið yfir, koma fram hrollvekjandi upplýsingar um áhrif og völd þessar glæpagengja.

Í skýrslunni kemur fram að mörg þessara glæpagengja hafi náð miklum völdum og áhrifum í samfélaginu. Félaga í þeim sé meðal annars að finna í stjórnmálum, í bönkum, í atvinnumiðlunum, á fasteignamarkaði og á sjúkrahúsum.

Samkvæmt frétt Expressen  er vandinn mestur í Södertälje, sem er nærri Stokkhólmi, þar sem fjölskylduglæpagengi hafa hreiðrað um sig í nær öllum hlutum samfélagsins. Auk þess að tengjast sprengingum, skotárásum og fleiri „hefðbundnum“ afbrotum eru félagar í glæpagengjunum áhrifamiklir í atvinnulífinu.

„Það er mat lögreglunnar að félagar í Södertälje-samtökunum telji sig ekki vera afbrotamenn, heldur verktaka. Markmið og þarfir glæpagengisins skipta mestu en sænsk lög og reglur eru aukaatriði,“

segir meðal annars í skýrslunni sem var gerð fyrr á árinu og var leynileg fram að afhjúpun Expressen sem segir að í henni komi einnig fram að í Södertälje-samtökunum hafi verið fjórir félagar sem hafi á síðustu tveimur áratugum setið á sænska þinginu. Í samtali við Aftonbladet neitaði einn þessara stjórnmálamanna að hafa nokkur tengsl við glæpagengi en hann, ásamt fleirum, er nafngreindur í skýrslunni.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Pressan
Í gær

Handtekin á ferðamannastað sem er Íslendingum kær – Sögð hafa reynt að skera kynfæri af fyrrverandi kærasta

Handtekin á ferðamannastað sem er Íslendingum kær – Sögð hafa reynt að skera kynfæri af fyrrverandi kærasta
Pressan
Í gær

Það eru fleiri en Trump og Biden í framboði í bandarísku forsetakosningunum

Það eru fleiri en Trump og Biden í framboði í bandarísku forsetakosningunum
Pressan
Fyrir 3 dögum

Selja vopn fyrir 1,8 milljarða dollara til Taívan

Selja vopn fyrir 1,8 milljarða dollara til Taívan
Pressan
Fyrir 3 dögum

Heimsþekkt samkynhneigt mörgæsapar aftur á ferð – Stálu aftur eggi

Heimsþekkt samkynhneigt mörgæsapar aftur á ferð – Stálu aftur eggi
Pressan
Fyrir 3 dögum

Óvenjulegir grímuklæddir bankaræningjar – Verða ekki sóttir til saka

Óvenjulegir grímuklæddir bankaræningjar – Verða ekki sóttir til saka
Pressan
Fyrir 3 dögum

Bjó til falskan prófíl á netinu – Nú hefur faðir hans hlotið dóm sem kynferðisbrotamaður

Bjó til falskan prófíl á netinu – Nú hefur faðir hans hlotið dóm sem kynferðisbrotamaður