fbpx
Fimmtudagur 22.október 2020
Pressan

Verkefni aldarinnar – Þurfa 8.000 fraktvélar til að ferja bóluefni gegn COVID-19

Kristján Kristjánsson
Sunnudaginn 13. september 2020 11:00

Boeing 747 vél. Mynd:EPA-EFE/FEHIM DEMIR

Ekki missa af Helstu tíðindum dagsins í pósthólfið þitt

Lesa nánar

Alþjóðasamtök flugfélaga, IATA, segja að fram undan sé risastórt verkefni við að koma bóluefni gegn kórónuveirunni, sem veldur COVID-19, til allra jarðarbúa. Segja samtökin að til að koma einum skammti til allra 7,8 milljarða jarðarbúa þurfi að nota 8.000 Boeing 747 fraktflutningavélar og að það þurfi að byrja að skipuleggja þetta núna.

Lyfjafyrirtæki um allan heim keppast nú við að þróa bóluefni gegn veirunni og því fara sjónir margra nú að beinast að dreifingu þess en ljóst er að um gríðarlega stórt verkefni er að ræða.

„Að koma COVID-19 bóluefni á áfangastað verður verkefni aldarinnar fyrir fraktflugvélaiðnaðinn,“

segir Alexandre de Juniac, forstjóri IATA, í tilkynningu. Hann hvatti ríkisstjórnir heims til að taka forystu í skipulagningu og uppbyggingu nauðsynlegrar aðstöðu fyrir þetta stóra verkefni til að tryggja að dreifing bóluefnisins gangi vel.

Nú er verið að gera tilraunir með 29 bóluefni á fólki um allan heim. Þegar búið verður að samþykkja bóluefni til notkunar hefst framleiðsla þess í miklu magni en ef skipulagningin verður ekki góð verður ekki hægt að flytja það um allan heim með flugi.

IATA hefur áhyggjur af að ekki sé nóg af hitastýrðum geymslum og búnaði og að skortur verði á þjálfuðu starfsfólki. Auk þess séu ferðatakmarkanir í gildi víða og það verði að slaka á þeim. Hraða verði útgáfu flugleyfa fyrir flugvélar sem flytja bóluefni og flugáhafnir verði að vera undanþegnar sóttkví til að hægt sé að halda flutningum áfram. Samtökin hafa einnig áhyggjur af öryggismálum því bóluefnið verður mjög dýrmætt. Því þurfi að tryggja vel öll öryggismál tengdum þeim og flutningum á því, bæði hvað varðar þjófnaði og svik.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Ætla að opna annan Vog
Pressan
Í gær

Ævintýrið breyttist í dularfulla martröð? Af hverju gerðu þau þetta?

Ævintýrið breyttist í dularfulla martröð? Af hverju gerðu þau þetta?
Pressan
Í gær

Göngukona fannst á lífi eftir 14 daga í óbyggðum

Göngukona fannst á lífi eftir 14 daga í óbyggðum
Pressan
Fyrir 3 dögum

Kettir brosa – Nota óvenjulega aðferð til þess

Kettir brosa – Nota óvenjulega aðferð til þess
Pressan
Fyrir 3 dögum

Mikill samdráttur í losun gróðurhúsalofttegunda í heimsfaraldrinum

Mikill samdráttur í losun gróðurhúsalofttegunda í heimsfaraldrinum