„Ég er mjög ósátt við aðgerðir þínar.“ Stóð til dæmis á skilti sem kona ein hélt uppi þar í borg og undir það var ritað „Móðir.“
Portland hefur stundum verið sögð vera hvítasta borg Bandaríkjanna og boðskapur mæðranna er skýr: Þær eru þreyttar af ofbeldi lögreglusveita Trump gegn þeim sem þær segja vera „friðsama mótmælendur“.
Í kjölfar þess að George Floyd, svartur maður, var drepinn af lögreglunni í Minneapolis í lok maí hefur fólk mótmælt í borgum landsins. Portland er ein fárra borga þar sem mótmæli sem þessi fara enn fram nær daglega en heimsfaraldur kórónuveirunnar hefur að miklu leyti stöðvað mótmælin. Þessi mótmæli virtust fara mjög illa í marga hvíta íbúa Portland en þegar Trump sendi alríkislögreglumennina til borgarinnar gjörbreyttist stemningin í hvítu úthverfunum.
„Áður fannst mér þessi mótmælendur vera allt of ofbeldisfullir. En þegar ég sá upptökur af lögreglumönnum, sem líktust hermönnum, sem handtóku friðsama mótmælendur og óku á brott með þá í ómerktum bílum gat ég ekki setið hjá lengur.“
Þetta sagði Jane Ullman, 38 ára móðir sem tók þátt í mótmælum nýlega, í samtali við The Oregonian. Ásamt mörg hundruð öðrum mæðrum úr úthverfum borgarinnar kallar hún sig „Wall of Moms“ (Múr af mæðrum). Markmið þeirra er að vernda mótmælendur fyrir lögreglusveitum Trump.
Þetta virkaði í síðustu viku því þegar alríkislögreglumennirnir reyndu að komast að Black Lives Matter mótmælendum stóðu mæðurnar í vegi þeirra og þeir urðu frá að hverfa.
