fbpx
Fimmtudagur 19.júní 2025
Pressan

Telja að hungursneyð af völdum kórónuveirunnar verði fleirum að bana en COVID-19

Kristján Kristjánsson
Miðvikudaginn 15. júlí 2020 18:20

Vannært barn í Jemen. Mynd:EPA-EFE/YAHYA ARHAB

Ekki missa af Helstu tíðindum dagsins í pósthólfið þitt

Lesa nánar

Bresku mannúðarsamtökin Oxfam vara við því að hungursneyð, af völdum heimsfaraldurs kórónuveirunnar, geti orðið fleirum að bana á degi hverjum en sjálf veiran. Nú hefur rúmlega hálf milljón manna látist af völdum veirunnar. Í nýrri skýrslu frá Oxfam kemur fram að í árslok muni hugsanlega allt að 12.000 manns látast úr hungri, af völdum heimsfaraldursins, á degi hverjum. Tölur frá Johns Hopkins háskólanum, sýna að 17. apríl létust 8.890 af völdum COVID-19 og hafa aldrei fleiri látist á einum degi af völdum sjúkdómsins.

CNN skýrir frá þessu. Í tilkynningu frá Chema Vera, forstjóra Oxfam, kemur fram að heimsfaraldurinn sé nánast eins og síðasti naglinn í líkkistuna fyrir fólk sem glímir nú þegar við afleiðingar stríðsátaka, loftslagsbreytinga, ójöfnuðar og gallaðs matvælakerfis sem hefur sent milljónir matvælaframleiðenda og verkamanna í fátækt.

Margir eiga ekki fyrir mat vegna tekjutaps af völdum atvinnuleysis eða skertra bótagreiðsla, lítils eða jafnvel engins stuðnings við þá sem vinna utan hins hefðbundna hagkerfis og vegna truflana sem hafa orðið á vöruflæði og erfiðleika hjá framleiðendum. Takmarkanir á ferðafrelsi hafa einnig haft mikil áhrif, þar á meðal á starfsemi mannúðarsamtaka.

Í tilkynningu sinni skorar Oxfam á matvæla- og drykkjarvöruframleiðendur á borð við Coca-Cola, Unilever og General Mills.

„Á meðan þetta gerist halda ríkustu fyrirtækin áfram að hagnast. Átta stærstu matvæla- og drykkjarvöruframleiðendurnir hafa greitt hluthöfum rúmlega 18 milljarða dollara í hagnað síðan í janúar. Einnig á þeim tíma er heimsfaraldurinn var að breiðast út um heiminn. Þetta er tíu sinnum meira en SÞ segja að þurfi til að koma í veg fyrir hungur.“

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Pressan
Í gær

Þess vegna muna sumir drauma sína betur en aðrir

Þess vegna muna sumir drauma sína betur en aðrir
Pressan
Í gær

Þetta er mesti stuðdreparinn í svefnherberginu að mati beggja kynja

Þetta er mesti stuðdreparinn í svefnherberginu að mati beggja kynja
Pressan
Í gær

Hann hvarf 6 vikum eftir brúðkaupið – 70 árum síðar var sannleikurinn afhjúpaður

Hann hvarf 6 vikum eftir brúðkaupið – 70 árum síðar var sannleikurinn afhjúpaður
Pressan
Í gær

Tölfræðin sýnir að þessar 10 bílategundir endast lengur en 500.000 kílómetra

Tölfræðin sýnir að þessar 10 bílategundir endast lengur en 500.000 kílómetra
Pressan
Fyrir 2 dögum

Paradísareyjan sem enginn vill búa á

Paradísareyjan sem enginn vill búa á
Pressan
Fyrir 2 dögum

Lögreglan leysti morðmál frá 1980 – Saklaus maður sat í fangelsi í 20 ár

Lögreglan leysti morðmál frá 1980 – Saklaus maður sat í fangelsi í 20 ár