fbpx
Þriðjudagur 07.júlí 2020
Pressan

Bill Gates – Gjafmildur og nískur nörd

Kristján Kristjánsson
Sunnudaginn 24. maí 2020 14:53

Bill Gates. Mynd: Getty Images

Ekki missa af Helstu tíðindum dagsins í pósthólfið þitt

Lesa nánar

Bill Gates er auðugur, svo auðugur að hann vermir yfirleitt fyrsta eða annað sæti lista yfir ríkustu menn heims. Eignir hans eru taldar nema sem svarar til um 15.000 milljörðum íslenskra króna. Hann ætti því að eiga fyrir salti í grautinn og vel það og geta leyft sér að borða kavíar og aðrar krásir alla daga. En þannig er það ekki.

Í samtali við Oprah Winfrey fyrir fimm árum sagði Gates að hann kæri sig ekki um að eyða miklum peningum í fatnað og annað handa sjálfum sér, það sé leiðinlegt. Á heimili hans og Melinda Gates, þau hafa verið gift síðan 1994, eru það umhverfismál sem hafa oft meira vægi en fjölskyldan.

Gates er ólíkur flestum öðrum milljarðamæringum þegar kemur að því að nota peninga. Gates-hjónin stofnuðu The Giving Pledge fyrir tíu árum ásamt milljarðamæringnum Warren Buffet. Þetta eru einhverskonar úrvalssamtök milljarðamæringa sem heita því að gefa að minnsta kosti helming auðs síns til góðgerðarmála. Þar hafa Gates-hjónin ekki dregið af sér og hafa gefið háar fjárhæðir til ýmissa málefna.

Hjónin eiga þrjú börn en þau munu hvert um sig „aðeins“ erfa sem nemur um 1,4 milljarði íslenskra króna eftir foreldra sína.

Bill og Melinda Gates eru ekki þekkt fyrir að eyða í vitleysu.

Vanity Fair segir að hjónin hafi nú þegar gefið sem svarar til um 6.500 milljarða íslenskra króna til góðgerðarmála.

„Auðæfi okkar eru svo mikil að þau geta svo sannarlega skipt sköpum í heiminum. Það væri glæpur ef við reyndum ekki að láta gott af okkur leiða.“

Sagði Bill Gates á fundi með kaupsýslumönnum í Washingtonríki á síðasta ári.

Til að varpa smá ljósi á þessi gríðarlegu auðæfi setti New York Times málið upp á einfaldan hátt. Ef Gates eyðir sem svarar til um 120 milljónum íslenskra króna á dag myndi það taka hann 250 ár að eyða öllum auðæfum sínum.

En það er ekki á stefnuskránni. Bill Gates notar til dæmis armbandsúr sem kostaði sem svarar til um 1.000 íslenskra króna. Yfir daginn borðar hann oft einn skammt af frönskum kartöflum frá McDonalds og drekkur 3-4 dósir af sykurlausum gosdrykk. Það er munaðurinn hans. Hann er því nískur, að vissu leyti, við sjálfan sig.

Hjónin eiga tvær einkaþotur.

En hjónin lifa svo sem engu sultarlífi og gera vel við sig inn á milli. Í febrúar keyptu þau 600 fermetra hús í Del Mar í Los Angeles og greiddu sem svarar til um 6,5 milljarða íslenskra króna fyrir. Þau eiga einnig lúxusíbúðir í Flórída, New York, Frakklandi, Montana og Seattle þar sem þau halda aðallega til. Þar geymir Bill hraðskreiða og rándýra bíla sína, um 30 talsins. Hjónin eiga einnig tvær einkaþotur. Bókasafn þeirra er metið á sem svarar til 10 milljarða íslenskra króna en þar leynast margir dýrgripir.

Bill Gates er mikill bílasafnari.
Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Katrín svarar Kára

Ekki missa af

Pressan
Í gær

Valdamiklir menn óttast að hún leysi frá skjóðunni

Valdamiklir menn óttast að hún leysi frá skjóðunni
Pressan
Í gær

Óhugnanleg COVID-19 samkvæmi – Sá sem smitast fyrstur fær peningaverðlaun

Óhugnanleg COVID-19 samkvæmi – Sá sem smitast fyrstur fær peningaverðlaun
Pressan
Fyrir 2 dögum

Sefur þú með kærastanum eða kærustunni? Þá dreymir þig kannski meira

Sefur þú með kærastanum eða kærustunni? Þá dreymir þig kannski meira
Pressan
Fyrir 2 dögum

Ian McKellen leikur ungan Hamlet í nýrri uppsetningu í leikhúsi

Ian McKellen leikur ungan Hamlet í nýrri uppsetningu í leikhúsi
Pressan
Fyrir 4 dögum

Dularfullur heilaskaði – Sér ekki lengur tölurnar 2 til 9

Dularfullur heilaskaði – Sér ekki lengur tölurnar 2 til 9
Pressan
Fyrir 4 dögum

Er þetta heppnasti maður í heimi? Vann 555 milljónir á skafmiða í annað sinn

Er þetta heppnasti maður í heimi? Vann 555 milljónir á skafmiða í annað sinn
Pressan
Fyrir 5 dögum

„Þetta verður mjög slæmt. Ég get ábyrgst það“

„Þetta verður mjög slæmt. Ég get ábyrgst það“
Pressan
Fyrir 5 dögum

„Við erum ekki með lík Madeleine en við erum með sterk sönnunargögn“

„Við erum ekki með lík Madeleine en við erum með sterk sönnunargögn“