Það er óhætt að segja að allt sem gat farið úrskeiðis hafi farið úrskeiðis þegar hin vinsæli rússneski bloggari Yekaterina Didenko, 29 ára, hélt upp á afmælið sitt í heilsulind í Moskvu. Þrír létust og sjö enduðu á sjúkrahúsi.

Á föstudaginn birti hún mynd á Instagram, þar sem hún er með 1,6 milljónir fylgjenda, þar sem hún stóð undir gylltum blöðrum sem mynduðu töluna 29. „Eitt af þessum fáum skiptum sem ég held upp á afmælisdaginn minn.“

Skrifaði hún.

BBC segir að Didenko hafi boðið vinum og kunningjum í veislu í Devyaty Val heilsulindinni. Í myndbandi, sem hefur verið dreift, frá veislunni sjást veislugestir hella um 25 kg af þurrís út í sundlaug. Allir eru þeir í hlífðargöllum og með hlífðargleraugu og fagna þegar fyrsti veislugesturinn kastar sér út í laugina. Upptökunni lýkur þegar hann hverfur undir vatnsyfirborðið og baðar út öngunum.

Þegar þurrís kemst í snertingu við vatn myndast koltvísýringur í gasformi og kalt og rakt loft. Þetta er ekki hættulegt í litlu magni en í miklu magni getur þetta kæft fólk því þá er ekki nóg súrefni til staðar. Það var einmitt það sem gerðist í veislunni og varð þremur að bana.

Veislugestirnir ætluð að nota þurrísinn til að kæla laugina niður því þeir vildu fara í kalt vatn eftir gufubað.

Didenko er menntaður lyfjafræðingur og skrifar reglulega um lyfjafræði, sparnaðarráð, einkalífið og efnafræðitilraunir sínar. Eiginmaður hennar var meðal þeirra sem létust. Sjö hlutu alvarlega efnabruna og voru lagðir inn á sjúkrahús.