Sænski umhverfisaktívistinn ungi, Greta Thunberg, óttast að hún hafi smitast af COVID-19 en hún hefur verið í tveggja vikna einangrun í Svíþjóð undanfarið. Greta greinir frá þessu á Instagram-síðu sinni. Hún segist hafa einangrað sig eftir að hún sneri heima frá ferðalagi um Mið-Evrópu.
Greta fann fyrir einkennum á borð við hita, hósta og skjálfta. Hún segist hins vegar vera búin að ná sér og hafi varla orðið veik.
Hún hvetur fólk til að fylgja ráðum sérfræðinga og halda sig innandyra til að hefta útbreiðslu veirunnar.