Síðan þá hefur vatni verið dælt á þrjá kjarnakljúfa versins til að koma í veg fyrir slys. En nú vita japönsk stjórnvöld ekki hvað þau eiga að gera við allt þetta mengaða vatn og íhuga af fullri alvöru að losa það út í Kyrrahafið. The Guardian skýrir frá þessu.
Sjómenn eru allt annað en sáttir við þetta og það sama má segja um nágrannana í Suður-Kóreu. Japönsk stjórnvöld segja að eftir tvö ár verði ekki pláss fyrir fleiri vatnstanka og að eitthvað verði að gera, ekki síst í ljósi þess að Ólympíuleikarnir fara fram í landinu í sumar.
Upphaflega áætlun eigenda kjarnorkuversins, Tokyo Electric, var að hreinsa ætti kælivatnið og síðan dæla því í hafið. En fyrirtækið hefur nú viðurkennt að það hafi ekki tekist að fjarlægja öll hættuleg efni úr vatninu við hreinsun þess og því hefur mengað vatn safnast upp við kjarnorkuverið.
Opinber vísindanefnd hefur nú farið yfir málið og komist að þeirri niðurstöðu að tveir kostir séu í stöðunni. Annar er að dæla vatninu í sjóinn en hinn er að láta það gufa upp úr tönkunum. Nefndin leggur til að fyrri leiðin verði farin. Hún segir að það sé öruggari leið.